तळजाई टेकडी वन विहारातील विध्वंस

तळजाई : तळजाई टेकडी परिसरामध्ये गेल्या काही दिवसांपासून विविध कामे सुरू आहेत. तसेच येथे अशास्त्रीय पध्दतीने झाडांची कत्तल सूरू आहे. काही ठिकाणी गेल्या चाळीस एक वर्षांपासून उभी असलेली वनसंपदा जेसीबी सारखी यंत्रे वापरून भूई सपाट करण्याचा सपाटाच लावलेला आहे. तर काही ठिकाणी मोठ-मोठी झाडे, त्यात बरीचशी चंदन पळस हिदेशी झाडे यांची कत्तल झालेली आहे. सिमेंट कॉंक्रिटचाही वापर बऱ्याच ठिकाणी दिसून येत आहे. तरी जैववैविध्यतेला धक्का लागलेला दिसून येत आहे. महापालिकेने याकडे लक्ष द्यावे.