Coronavirus : राज्यात कोरोनासाठी 30 विशेष रुग्णालये; कोणतं रुग्णालय तुमच्या जवळ?

सकाळ न्यूज नेटवर्क
Friday, 3 April 2020

कोरोनाला रोखण्यासाठी आरोग्य विभागाने राज्यातील ३० शासकीय रुग्णालये कोरोना उपचारासाठी विशेष रुग्णालये म्हणून घोषित केली आहेत. या रुग्णालयांत केवळ कोरोना रुग्णांवर उपचार केले जातील. त्यासाठी अधिसूचना काढण्यात आली असून २३०५ खाटा कोरोनाबाधितांच्या उपचारासाठी उपलब्ध झाल्या आहेत, अशी माहिती आरोग्यमंत्री राजेश टोपे यांनी काल (ता.०३) दिली. 
 

मुंबई - कोरोनाला रोखण्यासाठी आरोग्य विभागाने राज्यातील ३० शासकीय रुग्णालये कोरोना उपचारासाठी विशेष रुग्णालये म्हणून घोषित केली आहेत. या रुग्णालयांत केवळ कोरोना रुग्णांवर उपचार केले जातील. त्यासाठी अधिसूचना काढण्यात आली असून २३०५ खाटा कोरोनाबाधितांच्या उपचारासाठी उपलब्ध झाल्या आहेत, अशी माहिती आरोग्यमंत्री राजेश टोपे यांनी काल (ता.०३) दिली. 

बातम्या ऐकण्यासाठी डाऊनलोड करा ई-सकाळचे ऍप

या अधिसूचनेमुळे या रुग्णालयांना संशयित आणि कोरोना निदान झालेल्या रुग्णांना  शासनाने दिलेल्या मार्गदर्शक सूचनांनुसार उपचार करणे बंधनकारक असणार आहे. राज्यात चाचण्यांची सुविधा वाढवितानाच आवश्यकता भासल्यास रुग्णांवर उपचारासाठी जिल्हा रुग्णालयात विलगीकरण कक्ष करण्यात आले आहेत. मात्र कोरोना रुग्णांची वाढती संख्या लक्षात घेता कोरोना उपचारासाठी विशेष रुग्णालये घोषित करण्यात आली आहे. 

कोरोनाग्रस्तांसाठी महाराष्ट्रातील कोणती रुग्णालये आणि उपलब्ध खाटा किती?

  • ठाणे- जिल्हा रुग्णालय, टी.बी बिल्डींग (c)
  • मीरा भाईंदर- पंडीत भीमसेन जोशी रुग्णालय (100)
  • वाशी- सामान्य रुग्णालय (120)
  • कल्याण डोबिवली म.न.पा.- शास्त्री नगर दवाखाना (100),
  • रायगड- पनवेल उपजिल्हा रुग्णालय (100)
  • नाशिक- कुंभमेळा बिल्डींग व महानगरपालिका कठडा हॉस्पीटल अनुक्रमे (100) (70)
  • अहमदनगर- जिल्हा रुग्णालय (100)
  • नंदूरबार- डोळ्यांचा दवाखाना (50)
  • धुळे- जिल्हा रुग्णालया शहारातील इमारत (50)
  • पुणे- जिल्हा रुग्णालय, औंध (50)
  • सातारा- सामान्य रुग्णालय (60)
  • सिंधुदूर्ग- नविन इमारत एएमपी फंडेड (75)
  • रत्नागिरी- सामान्य रुग्णालय व कळंबोळी उपजिल्हा रुग्णालय अनुक्रमे (100) (50)
  • औरंगाबाद- जिल्हा रुग्णालय (100)
  • हिंगोली- जिल्हा रुग्णालय (100)
  • हिंगोली- कळमनुरी उपजिल्हा रुग्णालय (50)
  • लातूर- उदगीर उपजिल्हा रुग्णालय (50)
  • उस्मानाबाद- जिल्हा रुग्णालय
  • नविन इमारत (100)
  • उमरगा उपजिल्हा रुग्णालय टीसीयू बिल्डींग (50) आणि तुळजापूर उपजिल्हा रुग्णालय नविन इमारत (50)
  • नांदेड- जिल्हा रुग्णालय जुने (50) आणि मुखेड उपजिल्हा रुग्णालय (50)
  • अमरावती- विशेषोपचार रुग्णालय नविन इमारत (100)
  • वाशीम- जिल्हा रुग्णालय, डीईआयसी इमारत (50)
  • बुलढाणा-स्त्री रुग्णालय नविन इमारत (100)
  • वर्धा- सामान्य रुग्णालय (50)
  • भंडारा- सामान्य रुग्णालय एएमसीएच विंग नविन इमारत (80)
  • गडचिरोली- जिल्हा रुग्णालय (100) यासर्व जिल्हा रुग्णालयातील सर्व खाटा मिळून 2305 खाटा कोरोना बाधीत रुग्णांसाठी उपलब्ध होणार आहेत.

स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 30 special hospitals in maharashtra for corona treatment