Coronavirus : महाराष्ट्रात कोरोनाबाधितांचा आकडा वाढतोय; आता...

वृत्तसंस्था
Saturday, 4 April 2020

सध्या भारतात 3000 हून अधिक जणांना कोरोनाची लागण झाली आहे. तर सर्वाधिक रुग्ण हे महाराष्ट्रात असल्याची माहिती समोर आली आहे.     

पुणे : कोरोना व्हायरसने संपूर्ण जगात थैमान घातले आहे. भारतातही कोरोनाग्रस्त रुग्णांची संख्या दिवसेंदिवस वाढत आहे. सध्या भारतात 3000 हून अधिक जणांना कोरोनाची लागण झाली आहे. तर सर्वाधिक रुग्ण हे महाराष्ट्रात असल्याची माहिती समोर आली आहे.     

बातम्या ऐकण्यासाठी डाऊनलोड करा ई-सकाळचे ऍप

महाराष्ट्रातील कोरोनाग्रस्तांची संख्या 47 ने वाढली आहे. त्यामुळे आता राज्यात 537 कोरोनाग्रस्त आहेत. महाराष्ट्रासह देशभरात लॉकडाऊन आहे. कोरोनाच्या पार्श्वभूमीवर प्रशासनाकडून सर्व प्रकारची खबरदारी घेतली जाते आहे. ज्या ठिकाणी कोरोनाचे रुग्ण आढळतात, तो भाग सील केला जात आहे. सध्या 47 रुग्णांची वाढ झाली आहे. यामध्ये 43 रुग्ण मुंबई आणि ठाण्यातील आहेत. त्यामुळे मुंबईकरांची चिंता आणखी वाढली आहे.

एका दिवसात १५ जणांचा मृत्यू

भारतात कोरोनाग्रस्त रुग्णांच्या संख्येत होत असलेली वाढ ही आता चिंतेची बाब बनत आहे. तर कोरोनामुळे शुक्रवारी एका दिवसात देशभरात किमान १५ कोरोनाग्रस्त रुग्णांचा मृत्यू झाल्याची नोंद करण्यात आली आहे. तर ५०० हून अधिक जणांना कोरोनाची लागण झाल्याची माहिती मिळत आहे.

Latest Western (Paschim) Maharashtra News Update, Breaking ...

मुंबईत २८ रुग्ण

मुंबई २८, ठाणे १५ पॉझिटिव्ह रुग्ण आढळले आहेत. पुण्यात २, अमरावतीत १ तर पिंपरीत १ रुग्ण सापडला आहे. त्यामुळे आता महाराष्ट्रातील रुग्णांची संख्या ५३७ वर गेली आहे. शुक्रवारी रात्रीपर्यंत ही संख्या ४९० होती. आता ही संख्या ५३७ झाली आहे, अशी माहिती महाराष्ट्र राज्याच्या आरोग्य विभागाने दिली आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Number of Coronavirus Patient Increases in Maharashtra