पिंपरीत दिल्लीतील निजामुद्दीन भागात झालेल्या धार्मिक कार्यक्रमाच्या हाय रिस्क काॅन्टॅक्टमधील आणखी एका व्यक्तीचा एनआयव्ही कडील अहवाल पाॅझिटीव्ह आला. त्यामुळे शहरातील कोरोनाबाधितांची संख्या 21 झाली आहे.
पिंपरी - दिल्लीतील निजामुद्दीन भागात झालेल्या धार्मिक कार्यक्रमाच्या हाय रिस्क काॅन्टॅक्टमधील आणखी एका व्यक्तीचा एनआयव्ही कडील अहवाल पाॅझिटीव्ह आला. त्यामुळे शहरातील कोरोनाबाधितांची संख्या 21 झाली आहे.
बातम्या ऐकण्यासाठी डाऊनलोड करा ई-सकाळचे ऍप
निजामुद्दीन येथील कार्यक्रमाला पिंपरी-चिंचवडमधील 23 नागरिक सहभागी झाले होते. त्यातील तिघांसह संपर्कात आलेल्या पाच जणांवर उपचार सुरू आहेत. त्यातील आणखी एकाचा अहवाल बुधवारी पॉझिटिव्ह आला.
दरम्यान, बुधवारी 26 संशयितांचे नमुने एनआयव्हीकडे तपासण्यासाठी पाठविण्यात आले असून त्यांचे अहवाल प्रलंबित आहेत.
महापालिका क्षेत्रात आजपर्यंत 21जण पाॅझिटीव्ह आढळले आहेत. त्यातील 12 जण बरे होऊन घरी पोहोचले आहेत. सध्या नऊ जणांवर उपचार सुरू आहेत. यातील तिघे निजामुद्दीन येथील कार्यक्रमास उपस्थित होते. तर, अन्य सहा जण त्यांच्या संपर्कातील आहेत. आजपर्यंत शहरातील एक हजार 873 व्यक्तींना घरातच क्वारनटाइन केलेले आहे. तर, 587 जणांचे नमुने एनआयव्हीकडे तपासण्यासाठी पाठविण्यात आले आहेत. त्यातील 541 नमुने निगेटिव्ह आले आहेत. घरोघरी जाऊन सात लाख 47 हजार 249 व्यक्तींचे सर्वेक्षण केले आहे, अशी माहिती महापालिका अतिरिक्त आरोग्य वैद्यकीय अधिकारी डॉ. पवन साळवे यांनी दिली.
