Coronavirus : कर्मचारी घटल्याने डॉक्टरांच्या अडचणीत भर

Coronavirus : कर्मचारी घटल्याने डॉक्टरांच्या अडचणीत भर

पिंपरी - शहरातील बहुतेक दवाखाने आणि लहान मोठ्या रूग्णालयांतील सफाई, निमवैद्यकीय प्रशासकीय कर्मचारी वर्ग घटल्याने डॉक्टरांना अडचणींना सामोरे जावे लागत आहे. 

शहरात अँलोपॅथी, होमिओपॅथी, आयुर्वेदिक अशा विविध वैद्यकीय शाखांचे १ हजारांपेक्षा जास्त दवाखाने असून ४५० पेक्षा अधिक लहान मोठी रूग्णालये आहेत. लॉकडाऊनमुळे अनेक दवाखाने आणि रूग्णालयांतील कर्मचारी संख्या कमालीची घटली आहे. त्यामुळे, डॉक्टरांना निरनिराळ्या अडचणींचा सामना करावा लागत आहे. 

राज्यात आणि त्या पाठोपाठ देशात लॉकडाऊन जाहीर झाल्यानंतर अनेक कर्मचारी सहकुटुंब गावी गेले आहेत. तर काही दवाखाने-रूग्णालयांना खानावळी, सार्वजनिक वाहतूक व्यवस्था बंद झाल्याने त्यांच्या कर्मचार्यांना नाईलाजाने सुट्ट्या द्याव्या लागल्या आहेत.

याबाबत फॅमिली फिजिशियन असोसिएशनच्या पदाधिकाऱ्यांनी सांगितले की, दवाखान्यांमध्ये १ ते २ कर्मचारी, मदतनीस असतात. तर रूग्णालयात तेथील खाटांच्या संख्येनुसार कर्मचारी संख्या कमी-अधिक असते. बहुतेक मोठ्या रुग्णालयांनी त्यांच्या दैनंदिन कामावर जास्त परिणाम होणार नाही याची दक्षता घेतली आहे. मात्र, दवाखाने व लहान रूग्णालयांवर त्याचा निश्चितच परिणाम झाला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com