Coronavirus : दुकाने सुरू आहेत; साठा करू नका

पुणे : कोरोना व्हायरसचा मुकाबला पुणेकर करत आहेत. प्रशासन युद्धपातळीवर काम करीत आहे. अशा परिस्थितीत घाबरून जाऊन जीवनावश्‍यक वस्तू, धान्य, औषधांचा साठा करण्याचे प्रकारही नागरिकांकडून घडत आहेत. या प्रकारापासून सुजाण पुणेकरांनी दूर राहण्याची आवश्‍यकता आहे. त्याचबरोबर, साठा करण्यापासून लोकांना परावृत्त करण्याचीही गरज आहे.

साठा करणाऱ्यांची संख्या वाढत राहिल्यास गरजूंना टंचाई भासू शकते. अनावश्‍यक कृत्रिम टंचाई निर्माण होऊ शकते. या संभाव्य धोक्‍यापासून पुणेकरांनी जागरूक राहिले पाहिजे.

सिंहगडावर पर्यटकांची संख्या रोडावली

शहरातील किराणा दुकाने, भाजीपाला, दूध, फळे तसेच मॉलमधील धान्य व किराणा विभाग, अन्य जीवनावश्‍यक वस्तूंची दुकाने सुरू आहेत. तरीही अनेक नागरिकांकडून गेले दोन ते तीन दिवस औषधे, धान्य, वस्तू व अन्य जीवनावश्‍यक वस्तूंचा मोठ्या प्रमाणात साठा केला जात आहे. या प्रकारामुळे जीवनावश्‍यक वस्तूंचीच टंचाई निर्माण होऊ शकते. त्याचा प्रत्यक्ष-अप्रत्यक्षरीत्या गरजू, कष्टकरी, गोरगरीब, मजूर, विद्यार्थी, वृद्ध नागरिक यांच्यावर गंभीर परिणाम होऊ शकतो. त्यामुळे सुजाण नागरिकांनी, सजग पुणेकरांनी आवश्‍यकतेप्रमाणेच जीवनावश्‍यक वस्तू खरेदी कराव्यात.

आता बातम्या ऐकण्यासाठी डाऊनलोड करा ई-सकाळचे ऍप 

कोरोना विषाणूबाबतच्या शंका इथे विचारा (टोल फ्री क्रमांक) : 18002334120
जीवनावश्‍यक वस्तूंचा गैरप्रकार/काळाबाजार करणाऱ्यांची तक्रार करा : 100 (पोलिस नियंत्रण कक्ष), व्हॉटस्‌ऍप करा : 8975283100
प्रतिक्रिया/सूचना कळवा : #WeCareForPune ट्‌विटर, इन्स्टाग्राम लोगो वापरावेत