Jalgaon Crime News
esakal
चोपडा/अडावद: बाप की कसाई, असा थरकाप उडविणारी अत्यंत धक्कादायक आणि मन सुन्न करणारी घटना रविवारी (ता. २) वडती (ता. चोपडा) येथे उघडकीस आली. एका जन्मदात्या बापानेच मध्यरात्री गाढ झोपेत असलेल्या आपल्या दोन निष्पाप मुलांवर कुऱ्हाडीने सपासप वार केले. रक्ताळलेल्या थरारात १३ वर्षीय चिमुरडीचा जागीच करुण अंत झाला, तर ११ वर्षांचा मुलगा रक्ताच्या थारोळ्यात गंभीर जखमी झाला. या अमानुष घटनेमुळे संपूर्ण जळगाव जिल्ह्यात तीव्र संताप आणि हळहळ व्यक्त होत आहे.
