Astro Tips : मुलं अभ्यास करत नाहीत; स्डडीरूममध्ये करा हे बदल | Sakal
sakal

बोलून बातमी शोधा

astro tips

Astro Tips : मुलं अभ्यास करत नाहीत; स्टडीरूममध्ये करा हे बदल

पुणे : काही मुले अधिक मेहनत न करता परीक्षेत चांगल्या प्रकारे यश संपादन करतात. तर, काही मुले नेहमीच अभ्यास करतात परंतु परीक्षांमध्ये ते चांगल्या मार्कांनी पास होत नाहीत. यासाठी पालक मुलांना जबाबदार धरतात.मुलांना वेगवेगळ्या क्लासला घालून त्यांची गुणवत्ता सुघारण्याचा प्रयत्न केला जातो. पण, मुळात घरातच नकारात्मक उर्जा असेल तर त्याचा परिणाम मुलांवर आणि त्यांच्या अभ्यासावर होतो.

वास्तुशास्त्र तज्ञांच्या मते, आपल्या घरातील सकारात्मक-नकारात्मक उर्जा मुलाच्या शिक्षणाच्या बाबतीत मोठी भूमिका बजावते. या उर्जेचा मुलांच्या शरीर आणि मनावर अधिक प्रभाव पडतो. घराची वास्तु त्यांचे भविष्य घडविण्याकरिता उपयोगी ठरते.

वास्तुतील दोषांकडे लक्ष न दिल्याने मुलं अभ्यासापासून दुर पळतात. नेहमीच कारणे देऊन अभ्यास टाळतात. यामुळे पालक आणि शिक्षक यांच्या सततच्या त्रासाला कंटाळून मुल नकारात्मक होतात. यामुळेच मुलांच्या स्टडीरूममध्ये केलेले काही बदल मुलांची अभ्यासातील रूची वाढवतात. मुलांच्या अभ्यासाच्या रूमबद्द्ल वास्तूशास्त्रातील नियम काय सांगतात, याबद्दल जाणून घेऊयात...

कोणत्या दिशेला असावे स्टडी टेबल

स्टडीरुममध्ये असलेले अभ्यासाच्या टेबलचे तोंड पूर्व किंवा उत्तर दिशेला असावे. मुलांच्या अभ्यासाच्या टेबलवर जास्त पुस्तके ठेवू नका. तुम्ही पुस्तकांसाठी वॉर्डरोब किंवा शेल्फ बनवू शकता. वॉर्डरोबची जागा ईशान्य किंवा पूर्वेला असावी हे लक्षात ठेवा.

या गोष्टी आजच बदला

स्टडी टेबलावर पूर्वेकडे तोंड करून देवी सरस्वतीचे चित्र ठेवा.तसेच स्टडी टेबलवर क्रिस्टलचा ग्लोब देखील ठेवा. शूज आणि चप्पल स्टडी रूममध्ये ठेवू नयेत.स्टडीरूमच्या पुर्व, उत्तर किंवा दक्षिण दिशेला मेणबत्ती लावल्याने मुलाचे मन अभ्यासात गुंतून राहते. त्यांची बौद्धिक क्षमता वाढते. स्टडी टेबल समोर आरसा लावू नका. त्यामुळे मुलांचे लक्ष विचलित होते.

मुलांना नवीन गोष्टी आवडतात.त्यामुळेच मुले त्यांच्या जुन्या खेळण्यांशी कमी खेळतात. एखादे नवीन खेळणे त्यांच्याकडे येताच ते मोठ्या आवडीने त्याच्याशी खेळू लागतात. मुलाच्या अभ्यासाच्या खोलीत बदल करून त्याचे मन पुन्हा अभ्यासात गुंतते, त्यामुळेच मुलांच्या स्ट़डीरूममध्ये बदल करणे गरजेचे आहे.

Web Title: Astro Tips Vastu Tips For Kids Good Learning Study Room

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..