Gangaur Vrat Date 2025: गणगौर हा एक रंगीबेरंगी सण आहे, जो राजस्थानमध्ये खूप महत्त्वाचा मानला जातो. हा सण चैत्र महिन्यात साजरा केला जातो आणि या दिवशी भगवान शंकराची पत्नी गौरी म्हणजेच माता पार्वती यांची पूजा केली जाते..गणगौर हा सण चैत्र शुक्ल तृतीयेला साजरा केला जातो. या सणाला तृतीया तीज असेही म्हटले जाते. भगवान शंकर आणि माता पार्वती यांची या दिवशी पूजा केली जाते. विवाहित स्त्री आपल्या दीर्घायुष्यासाठी हा उपवास करतात, तर अविवाहित मुली इच्छित वर मिळावा म्हणून उपवास धरतात. १६ दिवस चालणाऱ्या या उपवासात दिवसातून फक्त एकदाच जेवण करण्याची प्रथा आहे. तसेच उपवासाच्या दिवशी स्त्रिया संपूर्ण १६ शृगांर करून गणगौरची पूजा करतात..Holi 2025: होळी का साजरी करतात माहीत आहे? जाणून घ्या इतिहास एकाच क्लिकवर .गणगौर उपवासाचे महत्त्वगणगौर हा शब्द गण आणि गौर यांच्या एकत्रीकरणाने तयार झाला आहे. गण म्हणजे भगवान शंकर आणि गौर म्हणजे माता पार्वती. धार्मिक मान्यतेनुसार, हा उपवास केल्याने भगवान शंकर आणि माता पार्वती या दोघांचे भरपूर आशीर्वाद मिळतात. प्रामुख्याने हा सण राजस्थान, उत्तर प्रदेश, मध्य प्रदेश आणि राजस्थानच्या सीमेजवळील भागांमध्ये मोठ्या उत्साहात साजरा केला जातो..कधी आहे गणगौर?हिंदू पंचांगानुसार गणगौर ३१ मार्च २०२५ ला असणार आहे. यादिवशी सोमवार असून तिथी सकाळी ९:११ वाजता सुरु होईल आणि १ एप्रिल रोजी सकाळी ५:४२ वाजेता संपेल..Holi 2025: होळीची पूजा करा विधिवत पद्धतीने, असे करा होलिका दहन .गणगौर पूजेचा विधीगणगौरच्या पूजेसाठी भगवान शंकर आणि माता पार्वती यांच्या मातीच्या मूर्ती तयार केल्या जातात. या दिवशी माता पार्वतीला शृंगार साहित्य, दागिने अर्पण केले जातात. पूजेच्या सुरुवातीला माता पार्वतीला रोली आणि कुंकू लावले जाते आणि भगवान शंकराला चंदनाचा टिळा लावला जातो. त्यांनतर तुपाचा दिवा लावून आणि फळे, मिठाई आणि दुर्वा अर्पण करून पूजा केली जाते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
