आजचे पंचांग आणि दिनविशेष - 23 एप्रिल 2022

पंचांग

शनिवार : चैत्र कृष्ण ७/८, चंद्रनक्षत्र उत्तराषाढा, चंद्रराशी मकर, चंद्रोदय उ. रात्री १.४८, चंद्रास्त दुपारी १२.०७, कालाष्टमी, भारतीय सौर वैशाख ३ शके १९४४.

दिनविशेष

२००१ : जीसॅट-१ या भूस्थिर उपग्रहाची भ्रमणकक्षा ११ हजार ९०० किलोमीटरपर्यंत वाढविण्यात ‘इस्रो’च्या अवकाशशास्त्रज्ञांना यश.

२००३ : राज्य सरकारतर्फे देण्यात येणारा प्रतिष्ठेचा ‘महाराष्ट्रभूषण’ पुरस्कार गडचिरोली जिल्ह्यातील आदिवासी क्षेत्रात उल्लेखनीय वैद्यकीय सेवाकार्य केल्याबद्दल डॉ. अभय आणि डॉ. राणी बंग यांना जाहीर.

२००७ : ध्रुवीय उपग्रह प्रक्षेपक वाहक ‘पीएसएलव्ही-सी ८’ने सतीश धवन अवकाश केंद्रातून उड्डाण केले आणि २२ मिनिटांतच ३५२ किलोग्रॅम वजनाचा ‘एजिल’ हा उपग्रह त्याच्या नियोजित कक्षेत भ्रमण करू लागला.

२०१७ : भारताची टेनिसपटू अंकिता रैना हिने नेदरलॅंड्‌सच्या इव्हा वॅकॅन्नो हिच्या साथीत आयटीएफ टेनिस स्पर्धेत दुहेरीचे विजेतेपद मिळविले.