Pitru Paksha 2023 : पितृपक्षाच्या काळात करा ‘या’ वस्तूंचे दान; त्यामागे आहे महत्वाचे कारण

Pitru Paksha 2023 : पितृपक्ष यंदा भाद्रपद महिन्याच्या पोर्णिमेपासून अर्थात २९ सप्टेंबरपासून सुरू झाला आहे. हा पितृपक्ष अश्विनी कृष्ण पक्षाच्या अमावस्येला म्हणजेत १४ ऑक्टोबरला समाप्त होणार आहे.

पितरांना प्रसन्न करण्यासाठी आणि त्यांचे आशिर्वाद मिळवण्यासाठी पितृपक्षात त्यांची पूजा केली जाते. हिंदू धर्मात पिंडदानाला विशेष महत्व आहे. पितृपक्षात पितरांच्या शांतीसाठी आणि तृप्तीसाठी पिंडदानाचा विधी केला जातो.

पितृपक्षात पिंडदानासोबतच इतर काही वस्तूंचे दान करणे देखील महत्वाचे आहे.  जर तुम्ही तिळाचे दान या काळात केले असेल तर ते अतिशय महत्वाचे मानले जाते. पितृपक्षाच्या काळात तिळासोबत इतर काही गोष्टींचे दान करणे देखील महत्वाचे मानले जाते. तिळासोबत इतर कोणत्या गोष्टींचे दान करावे ? याबद्दल जाणून घेऊयात.

पितृपक्षात या वस्तूंचे करा दान

तूप

श्राद्धाच्या वेळी एका भांड्यात गायीचे तूप दान करणे हे कुटुंबासाठी शुभ मानले जाते.

धान्य

पितृपक्षाच्या काळात अन्नदानाला ही विशेष महत्व आहे. या अन्नदानामध्ये गहू आणि तांदूळ दान करणे शुभ मानले जाते. हे दान जर मनापासून आणि निश्चयाने केले तर अपेक्षित फळ मिळते.

वस्त्रदान

या काळात वस्त्रांचे दान करणे देखील शुभ मानले जाते. वस्त्रांमध्ये धोतर आणि दुपट्ट्यासह दोन कपड्यांचे दान करणे महत्त्वाचे आहे. हे कपडे नवीन आणि स्वच्छ असावेत.

चांदीचे दान

पितृपक्षाच्या काळात चांदीच्या वस्तूंचे दान करणे महत्वाचे आहे. पितरांचे आशिर्वाद आणि समाधानासाठी चांदीच्या वस्तूंचे दान करणे हे प्रभावशाली मानले जाते.

गुळ

तिळासोबत गुळाचे दान करणे देखील शुभ मानले जाते. गुळाचे दान केल्याने घरातील कलह आणि दारिद्र्य नष्ट होते आणि सूखाची प्राप्ती होते.