Ashadhi Ekadashi 2022 Date: यंदाची आषाढी एकादशी कधी साजरी होणार, जाणून घ्या व्रत महत्व आणि माहिती

विठ्ठलाच्या दर्शना साठी पाई निघणाऱ्या 'पंढरपूर वारी'ला जुनी परंपरा लाभलेली आहे.विठ्ठलाच्या दर्शनासाठी पायी पंढरपूर वारीला जाण्याची परंपरा फार जुनी असून भक्तांची श्रद्धा या वारीशी जुळलेली आहे.दरवर्षी भक्त पायदळ पंढपूरला जातात.मागील दोन वर्षात कोरोनाकाळात भक्तांची हुकलेली पंढरीची वारी यावर्षी हजारो भक्तांसह पंढरपूरला निघाली आहे.महाराष्ट्रमध्ये 'आषाढी एकादशी'ला विशेष महत्त्व आहे. यंदा आषाढी एकादशी रविवारी 10 जुलै 2022 रोजी आहे. (Ashadhi Ekadashi 2022 Date)

आषाढी एकादशीच्या व्रताचे विशेष महत्व (Importance

आषाढी एकादशी व्रताचे हिंदू धर्मात विशेष महत्त्व आहे. एकादशीचे व्रत करणाऱ्याला धनाची प्राप्ती होते, अशी आस्था आहे, आषाढी एकादशीचे उपवास केल्याने मानसिक शांती लाभते आणि शारीरिक व्याधींपासून मुक्ती मिळते. वर्षभरात येणाऱ्या एकादश्यांमध्ये आषाढी आणि कार्तिकी या दोन एकादश्या महत्त्वाच्या मानल्या जातात.

पंढरपूर वारीची परंपरा

समाजातील भेदभाव दूर करण्यासाठी वारीला सुरुवात झाली. यात विविध जातीपातीचे लोक सहभागी होतात. यास 'पंढरीची वारी' असं म्हटलं जाते. यात सामिल होणारे सगळे 'वारकरी' असतात.आषाढी एकादशी निमित्त ठिकठिकाणांहून पालख्या घेऊन वारकरी विठ्ठल-रखुमाईच्या दर्शनाला जातात.(Pandharpur) वाटेत विठुरायाच्या नावाचा जप करत पायी जाताना भक्तांच्या मनी ध्यानी फक्च विठ्ठलाचे नामस्मरण असते.आषाढी एकादशीच्या शुभ दिवसापर्यंत सगळे भक्त पंढरपूरी पोहोचले असतात.