Gudi Padwa : 'गुढी मांगल्याचे प्रतीक, त्यासाठी कोणताही विधी नाही'; 'अशी' उभारा गुढी अन् प्रत्येक घरात साजरे करा नववर्ष

सोलापूर : गुढीपाडव्याच्या (Gudi Padwa) दिवशी हिंदू नववर्षाची (Hindu New Year) सुरवात होते. उत्सव घरोघरी करावयाचा असल्यामुळे आपण स्वतंत्रपणे राहात असल्यास आपल्या घरी पूजा करून गुढी उभी करण्यास काहीच हरकत नाही. त्याकरिता असे कोणतेच बंधन नाही. त्यामुळे गुढीपूजन, पंचांग पूजन अवश्य करावे. गुढीपूजनाकरिता कोणताही विधी नाही. गुढी उभी करणे हे मांगल्याचे प्रतीक आहे. त्यामुळे मंगलमय वातावरण तयार व्हावे याकरिता जे काही करता येण्यासारखे असेल तर सर्व करता येते.