Hindu Religion : हिंदू धर्मात कपाळावर टिळा का लावला जातो? जाणून घ्या नियम अन् धार्मिक महत्व

Hindu Religion : सनातन धर्मात कपाळावर टिळा लावणे फार महत्वाचे मानले जाते. टिळा लावणे हिंदू परंपरेतील एक महत्वपूर्ण कार्य आहे. टिळा लावल्याशिवाय पूजा करण्याची परवानगीही नसते आणि पूजासुद्धा अपूर्ण मानली जाते.

तुम्ही कोणत्या पंथाचे आहात हेसुद्धा टिळ्याच्या माध्यमातून कळू शकते. टिळा लावल्याने आरोग्य उत्तम राहते आणि मन एकाग्र आणि शांत राहण्यास मदत होते.

टिळा लावण्याचे काही महत्वाचे नियम

• आंघोळ न करता टिळा लावू नये.

• आधी तुमच्या घरी स्थित देवाला टिळा लावा नंतर तुम्ही लावावा.

• स्वत:ला अनामिकेने आणि दुसऱ्यांना अंगठ्यानेच टिळा लावावा.

टिळा लावण्याचे फायदे

• चंदनाचा टिळा लावल्याने एकाग्रता वाढते.

• कुंकवाचा टिळा लावल्याने आकर्षण वाढतं, आळस दूर होतो.

• केशरी टिळा लावल्याने कुठल्याही कामात यश मिळतं, कामे मार्गी लागतात.

• अष्टगंधाचा टिळा लावल्याने बुद्धित भर पडते.

खालील ग्रहांना मजबूत करण्यासाठी कोणता टिळा लावावा

१) सूर्य - लाल चंदनाचा टिळा अनामिका बोटाने लावा.

२) चंद्र - पांढरे चंदन करंगळीने लावा.

३) मंगळ - नारंगी शेंदूराचा टिळा अनामिका बोटाने लावा.

४) बुध - अष्ठगंधाचा टिळा करंगळीने लावा.

५) बृहस्पति - केशरी टिळा तर्जनीने लावा. (Sanskruti)

यशस्वीतेसाठी आणि शक्तीसाठी असा बनवा टिळा

लाल चंदन घ्या. आता त्याला चांदीच्या पत्रा असलेल्या काचेच्या पात्रात ठेवा. आता देवीपुढे ठेवून "ॐ दुं दुर्गाय नमः" असा २७ वेळा जप करा. आता हे चंदन देवीच्या पाऊलांवर लावा. आता हे चंदन खांद्यांवर आणि कपाळावर लावा. (Hindu Religion)

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.