सुकमा : छत्तीसगडच्या सुकमा जिल्ह्यामध्ये शनिवारी सुरक्षा दलांनी मोठी नक्षलविरोधी कारवाई करत सोळा नक्षलवाद्यांना ठार केले. या चकमकीमध्ये सुरक्षा दलाचे दोन जवानही जखमी झाल्याची माहिती अधिकाऱ्यांनी दिली..सकाळी सुमारे आठ वाजता केरलापाल पोलिस ठाण्याच्या हद्दीतील जंगलामध्ये या चकमकीला तोंड फुटले. याच भागामध्ये नक्षलवाद्यांविरोधात संयुक्त मोहीम राबविण्यात येत होती, अशी माहिती बस्तर परिक्षेत्राचे पोलिस महानिरीक्षक सुंदरराज. पी यांनी दिली. ही मोहीम शुक्रवारी रात्री हाती घेण्यात आली होती. .राज्य पोलिस दलातील डिस्ट्रिक्ट रिझर्व्ह गार्ड आणि केंद्रीय राखीव पोलिस दल यांच्या संयुक्त पथकाने गुप्त माहितीच्या आधारे ही कारवाई केली. संघर्षस्थळावरून मोठ्या प्रमाणावर शस्त्रसाठा जप्त करण्यात आला आहे. यामध्ये ‘एके-४७ रायफल’, ‘सेल्फ-लोडिंग रायफल’, ‘इन्सास रायफल’, ‘३०३- रायफल’, ‘रॉकेट लाँचर’, ‘बॅरल ग्रेनेड लाँचर’ आणि अन्य स्फोटकांचा समावेश आहे..या चकमकीमध्ये ‘डीआरजी’चे दोन जवान किरकोळ जखमी झाले असून त्यांची प्रकृती स्थिर असल्याची माहिती अधिकाऱ्यांनी दिली. यंदा वर्षभरात आतापर्यंत १३२ नक्षलवाद्यांचा खातमा करण्यात सुरक्षा दलांना यश आले आहे. त्यापैकी ११६ नक्षलवाद्यांना बस्तर विभागातील सात जिल्ह्यांमध्ये ठार करण्यात आले असून त्यात विजापूर जिल्ह्याचाही समावेश आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
सुकमा : छत्तीसगडच्या सुकमा जिल्ह्यामध्ये शनिवारी सुरक्षा दलांनी मोठी नक्षलविरोधी कारवाई करत सोळा नक्षलवाद्यांना ठार केले. या चकमकीमध्ये सुरक्षा दलाचे दोन जवानही जखमी झाल्याची माहिती अधिकाऱ्यांनी दिली..सकाळी सुमारे आठ वाजता केरलापाल पोलिस ठाण्याच्या हद्दीतील जंगलामध्ये या चकमकीला तोंड फुटले. याच भागामध्ये नक्षलवाद्यांविरोधात संयुक्त मोहीम राबविण्यात येत होती, अशी माहिती बस्तर परिक्षेत्राचे पोलिस महानिरीक्षक सुंदरराज. पी यांनी दिली. ही मोहीम शुक्रवारी रात्री हाती घेण्यात आली होती. .राज्य पोलिस दलातील डिस्ट्रिक्ट रिझर्व्ह गार्ड आणि केंद्रीय राखीव पोलिस दल यांच्या संयुक्त पथकाने गुप्त माहितीच्या आधारे ही कारवाई केली. संघर्षस्थळावरून मोठ्या प्रमाणावर शस्त्रसाठा जप्त करण्यात आला आहे. यामध्ये ‘एके-४७ रायफल’, ‘सेल्फ-लोडिंग रायफल’, ‘इन्सास रायफल’, ‘३०३- रायफल’, ‘रॉकेट लाँचर’, ‘बॅरल ग्रेनेड लाँचर’ आणि अन्य स्फोटकांचा समावेश आहे..या चकमकीमध्ये ‘डीआरजी’चे दोन जवान किरकोळ जखमी झाले असून त्यांची प्रकृती स्थिर असल्याची माहिती अधिकाऱ्यांनी दिली. यंदा वर्षभरात आतापर्यंत १३२ नक्षलवाद्यांचा खातमा करण्यात सुरक्षा दलांना यश आले आहे. त्यापैकी ११६ नक्षलवाद्यांना बस्तर विभागातील सात जिल्ह्यांमध्ये ठार करण्यात आले असून त्यात विजापूर जिल्ह्याचाही समावेश आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
