लाहोर : बलुचिस्तान प्रांतातील नोश्की जिल्ह्यात आज राष्ट्रीय महामार्गावर पाकिस्तानी सैनिक व अधिकाऱ्यांना घेऊन जाणाऱ्या बसवर एक मोटार वेगाने धडकवून केलेल्या हल्ल्यात ९० सैनिकांचा मृत्यू झाल्याचा दावा स्थानिक माध्यमांनी केला आहे. बलुचिस्तान लिबरेशन आर्मीने (बीएलए) या हल्ल्याची जबाबदारी स्वीकारली आहे. पाकिस्तानमधील पोलिसांनी मात्र या हल्ल्यात केवळ पाचच जणांचा मृत्यू झाल्याचा दावा केला आहे.