Accident News : तिरुपती बालाजीचे दर्शन घेऊन परतणाऱ्या वाहनाला अपघात; पाच भाविक जागीच ठार

आंध्रप्रदेश, बेळगाव : तिरुपती बालाजीचे दर्शन घेवून परतणाऱ्या भावीकांच्या क्रुझर वाहनाने लॉरीला मागुन जोराची धडक दिल्याने झालेल्या भीषण अपघात पाच भावीक जागीच ठार झाले. मृतापैकी चौघेजण बडची गावातील (ता. अथणी जि. बेळगाव) एकाच कुंटुबातील आहेत. तर पाचव्या मृताचा पत्ता शोधण्याचे काम सुरु आहे. शुक्रवार (ता.१५) सकाळी आंध्रप्रदेशातील अनमय जिल्ह्यात हा अपघात घडला आहे. आकरा जण गंभीर जखमी झाले आहेत.

हनुमंता आजुर (वय ५२), महानंदा आजुर (वय ४६), शोभा आजुर (वय ३६), अंबीका आजुर (वय १९ चौघेही रा. बडची ता. अथणी जि. बेळगाव), मनमंथ जाधव (वय ५२) अशी मृत्यूमुखी पडलेल्यांची नावे आहेत. आकरा जखमींपैकी सात जणांची प्रकृती चिंताजनक आहे. बेळगाव जिल्ह्यातील अथणी येथील १६ भाविक क्रुझर वाहनातून तिरुपती बालाजी मंदिरात दर्शन घेऊन घरी परतत होते.

यावेळी भरधाव क्रुझरने लॉरीला मागुन धडक दिल्याने हा भीषण अपघात घडला. मृताची ओळख अद्याप पटलेली नाही. अपघातातील जखमींना तिरुपती रोवा रुग्णालयात दाखल करण्यात आले आहे. काही जखमींची प्रकृती चिंताजनक असल्याने मृतांचा आकडा वाढण्याचा धोका आहे.