लॉकडाउन संपल्यानंतर पहिली प्रेयसी परतल्यामुळे त्याने नव्या गर्लफ्रेंडची केली हत्या

नवी दिल्ली: प्रियकराने ३० वर्षीय प्रेयसीची हत्या (Girlfriend killed) करुन तिचा मृतदेह जंगलात फेकून (Throw body in forest) दिला. दक्षिण दिल्लीतील मैदान गारही भागात रविवारी संध्याकाळी महिलेचा मृतदेह सापडला. (dead body) संशय आपल्यावर येऊ नये, यासाठी आरोपीने बनावट कथानक रचलं. मित्राला फोन करुन पोलिसांना मृतदेहाची माहिती देण्यास सांगितले. लॉकडाउन (lockdown) लागल्यानंतर पहिली प्रेयसी तिच्या घरी निघून गेली. त्यावेळी आरोपी अनुज कुमारचे दुसऱ्या महिलेसोबत सूत जुळले. त्याने तिच्यासोबत राहण्यास सुरुवात केली.

पहिली प्रेयसी परत आल्यानंतर त्याला नव्या गर्लफ्रेंडपासून स्वत:ची सुटका करुन घ्यायची होती. त्यामुळे त्याने मित्रांसोबत मिळून दुसऱ्या गर्लफ्रेंडची हत्या करण्याचा कट रचला. दुसऱ्या गर्लफ्रेंडची हत्या करताना आरोपी अनुज तिथे उपस्थित होता. त्याच्या दोन मित्रांनी गळा आवळून दुसऱ्या गर्लफ्रेंडची हत्या केली. अनुजसोबत गुन्ह्यामध्ये सहभागी असलेले कुमार रमजान खान (३२) आणि नौशाद (२१) या दोघांना अटक करण्यात आल्याची माहिती पोलिसांनी दिली.

अनुज कुमारचे आधीपासूनच तरुणीसोबत प्रेमसंबंध सुरु होते. ती त्याच्यावर लग्नासाठी दबाव टाकत होती. त्यामुळे अनुज कुमारने रमजान आणि नौशादला सांगून नवीन गर्लफ्रेंडची हत्या केली. तिघांनी मिळून महिलेची हत्या करण्याचा कट रचला. नौशाद आणि अनुज कुमार पीडित महिलेला जंगलात घेऊन गेले. तिथे रमजान आधीपासून उपस्थित होता. त्यांनी तिथे गळा आवळून महिलेची हत्या केली.

रमजानने नंतर पोलिसांना फोन केला. मी जंगलात ड्रींक करत असताना, बाईकवरुन दोनजण एक महिलेला घेऊन आले. त्यांनी महिलेची हत्या केली असे सांगितले. पोलिसांनी रमजानची उलट तपासणी घेतल्यानंतर त्याच्या जबानीत विरोधाभास आढळून आला. रमजानचे मोबाइल फोनचे नेटवर्क तपासण्यात आले. अखेर त्याने मृत महिलेला ओळखत असल्याची कबुली दिली. त्यानंतर गुन्ह्याची उकल झाली. गुन्ह्यात वापरलेली मोटरसायकल आणि ओढणी पोलिसांनी जप्त केली आहे.