अहमदाबाद शहरात नुकताच एक चित्रपटाच्या दृश्याला लाजवेल असा थरारक प्रसंग घडला. ‘शूटर’ म्हणून ओळखला जाणारा अभिषेक उर्फ संजयभाई सिंह तोमर हा हव्या असलेला गुन्हेगार पोलिसांच्या हातात सापडण्यापेक्षा मरण पत्करण्यास तयार होता. पाचव्या मजल्यावरील एका अरुंद कठड्यावर उभे राहून त्याने पोलिसांना आव्हान दिले आणि सोशल मीडियावर थेट प्रक्षेपण करत आपली मागणी मांडली: “पोलिसांनी मागे हटावे, नाहीतर मी उडी मारेल!”