Air India : वैमानिकाने गर्लफ्रेंडला नियम धाब्यावर बसवून कॉकपिटमध्ये बोलावलं; आता...

air india
air india

नवी दिल्ली : एअर इंडिया पुन्हा एकदा वादाच्या भोवऱ्यात सापडली आहे. फेब्रुवारी महिन्यात दुबईहून दिल्लीला जाणाऱ्या विमानप्रवासादरम्यान एअर इंडियाच्या वैमानिकाने एका महिला मित्राला कॉकपिटमध्ये प्रवेश दिल्याच्या घटनेची सविस्तर चौकशी करण्याचे आदेश भारतीय हवाई वाहतूक नियामकाने दिले आहेत.

air india
National Civil Services Day : सिव्हील सर्व्हिसेसमध्ये कार्यरत कर्मचाऱ्यांचा पगार अन् मिळणाऱ्या सुविधा

नागरी हवाई वाहतूक महासंचालनालयाने (डीजीसीए) शुक्रवारी या प्रकरणाची चौकशी करणार असल्याचे सांगण्यात आले आहे. डीजीसीएच्या एका वरिष्ठ अधिकाऱ्याने नाव न छापण्याच्या अटीवर पीटीआयला सांगितले की, हा कायदा हवाई वाहतूक नियामक डीजीसीएच्या सुरक्षा नियमांचे उल्लंघन करणारा आहे.

air india
Narayan Rane: अखेर नारायण राणे यांच्यावर अब्रूनुकसानीचा दावा दाखल

२७ फेब्रुवारीला दुबईहून उड्डाण घेतल्यानंतर पायलटने त्याच विमानातून प्रवास करणाऱ्या आपल्या प्रेयसीला कॉकपिटमध्ये येण्याचे आमंत्रण दिले होते. अधिकाऱ्याने दिलेल्या माहितीनुसार, ही महिला सुमारे तीन तास कॉकपिटमध्ये बसली होती. या अधिकाऱ्याने सांगितले की, वैमानिकाची ही कृती केवळ सुरक्षिततेचा भंग नाही तर एक वेडेपणा देखील आहे. ज्यामुळे विमान आणि त्याच्या प्रवाशांचा जीव धोक्यात येऊ शकत होता.

तपासाच्या निष्कर्षानुसार पायलटवर शिस्तभंगाची कारवाई होऊ शकते, ज्यात त्याचा परवाना निलंबित किंवा रद्द केला जाऊ शकतो, असे अधिकाऱ्याने सांगितले. एअर इंडियाने अद्याप या घटनेबाबत अधिकृत निवेदन दिलेले नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com