Amit Shah : काँग्रेसच्या राजवटीत तुरूंगवास भोगला; अमित शहा यांचा विरोधकांवर हल्लाबोल

डेरगाँव (आसाम) : ‘‘तत्कालीन पंतप्रधान इंदिरा गांधी यांच्याविरोधात घोषणाबाजी केल्याने आसामच्या हितेश्वर सैकिया सरकारने मला सात दिवस तुरुंगात ठेवले होते,’’ असा आरोप आज केंद्रीय गृहमंत्री अमित शहा यांनी केला..शहा यांच्या हस्ते लचित बारफुकन पोलिस अकादमीच्या नुतनीकरण केलेल्या पहिल्या टप्प्यातील इमारतीचे उद्घाटन केले. यावेळी त्यांनी दुसऱ्या टप्प्याच्या कामाचे भूमिपूजनही केले. अमित शहा यांनी भाषणात विद्यार्थीदशेतील आठवणी सांगितल्या. काँग्रेसच्या काळात आसाम कायम अशांत राहिल्याने ईशान्य भारत हे विकासापासून वंचित राहिले, असाही दावा शहा यांनी केला..गृहमंत्री अमित शहा यांनी आसाम आणि मिझोरामच्या तीन दिवसांच्या दौऱ्यावर असून यादरम्यान विविध विकास कामासंदर्भात घोषणा केल्या. यात आसाममध्ये तीन लाख कोटी रुपयांच्या विकास कामांचा समावेश आहे. येथे बरफुकन पोलिस अकादमीच्या नुतनीकरण केलेल्या पहिल्या टप्प्याच्या उद््घाटनप्रसंगी बोलताना अमित शहा म्हणाले, ‘‘आसाममध्ये हितेश्वर सैकियांचे सरकार होते आणि या सरकारकडून मारहाणही झाली. .मी सात दिवस तुरुंगाचे मीठ खाल्ले. माजी पंतप्रधान इंदिरा गांधी यांच्याविरोधात घोषणा दिल्याने मला तुरुंगात जावे लागले.’’ सैकिया हे १९८३ ते १९८५ आणि १९९१ ते १९९६ पर्यंत आसामचे मुख्यमंत्री होते. काँग्रेसमुळे आसाममध्ये अशांतता राहिली, असा आरोपही शहा यांनी केला. गेल्या दहा वर्षांत दहा हजारांपेक्षा अधिक तरुणांनी शस्त्रे बाजूला ठेवत मुख्य प्रवाहात प्रवेश केला आहे. .येत्या पाच वर्षांत लचित बरफुकन पोलिस अकादमी देशातील सर्वोत्तम पोलिस अकादमी होईल, असा विश्वासही त्यांनी भाषणात व्यक्त केला. यावेळी त्यांनी पोलिस अकादमीला बरफुकन यांचे नाव दिल्याबद्दल आसामचे मुख्यमंत्री हिमंता बिस्वा सरमा यांचे आभार मानले..बरफुकन अकादमी३४० एकरावर पसरलेल्या अकादमीचे नूतनीकरण दाेन टप्प्यांत करण्यात येणार असून यात १,०२४ कोटी रुपये खर्च येणार आहे. पहिल्या टप्प्यात १६७ कोटी रुपयांच्या निधीत स्मार्ट खोल्या, प्रयोगशाळा, मैदानाचा समावेश आहे..Pawan Kalyan : पैसा चालतो मग हिंदी का नको? आंध्रचे उपमुख्यमंत्री पवन कल्याण यांचा तमिळी नेत्यांवर प्रहार.धाडसी योद्धा लचित बरफुकन यांचा इतिहास आतापर्यंत केवळ आसाम राज्यापुरतीच होता. मात्र केंद्रात एनडीए सरकार आल्यानंतर या वीर योद्ध्याचा इतिहास देशातील २३ भाषांतून शिकवला जात आहे आणि यातून विद्यार्थ्यांना प्रेरणा मिळत आहे-अमित शहा , गृहमंत्री.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Amit Shah : काँग्रेसच्या राजवटीत तुरूंगवास भोगला; अमित शहा यांचा विरोधकांवर हल्लाबोल

Related Stories