Srinagar Tulip Garden : ट्युलिप उद्यान उद्या पर्यटकांसाठी खुले होणार

श्रीनगर : आशियातील सर्वांत मोठे अशी ओळख असलेले श्रीनगरमधील ट्युलिप उद्यान पर्यटकांसाठी बुधवारी (ता.२६) खुले होणार आहे. मुख्यमंत्री उमर अब्दुल्ला यांच्या हस्ते उद्घाटन होणार आहे..यावर्षी उद्यानात १७ लाख ट्युलिपची फुले फुलणार आहेत. याशिवाय वसंत ऋतूत उमलणाऱ्या इतर विविध फुलेही पर्यटकांना पाहायला मिळणार आहेत. रंगबिरंगी फुलांचे ताटवे पाहणे पर्यटकांना सुलभ व्हावे, यासाठी व्हीलचेअर, पिण्याचे पाणी आणि स्तन्यपान कक्ष यांसारख्या व्यवस्था केल्या आहेत..बागेत होणाऱ्या गर्दीचे नियंत्रण करण्यासाठी तिकीट खिडकीसह ऑनलाइन व पर्यटन विभागाच्या संकेतस्थळावरून तिकीट काढण्याची व्यवस्था केली आहे. बागेच्या परिसरात या काळात होणारी वाहतूक कोंडी लक्षात घेऊन बाग सकाळी सहापासूनच सुरू होणार आहे. यामुळे दुपारनंतरची गर्दी टाळून पर्यटकांना सकाळी बागेत भेट देणार आहे..काश्मीरमधील उन्हाळी हंगामात खुले होणारे हे उद्यान हे पर्यटकांसाठी प्रमुख आकर्षण बनले आहे. यामुळे राज्याच्या पर्यटन क्षेत्रालाही चालना मिळाली आहे. ट्युलिप पाहण्यासाठी काश्मीरला येणाऱ्या पर्यटकांची संख्या वाढत असून याचा लाभ हॉटेल हाउसबोट, राज्यातील हस्तकला आणि कृषीसारख्या विविध स्थानिक उद्योगांना होत आहे..NASA : आदित्यजवळ जाण्याचा ‘पार्कर’चा पुन्हा विक्रम; सौरयानाची तीन महिन्यांत दुसरी वेळ.दरवर्षी आम्ही ट्युलिपच्या नव्या जाती आणि रंगसंगती वापरून वेगवेगळे प्रयोग करीत असतो. यंदा बागेत ७४ प्रकारचे ट्युलिप पाहायला मिळतील.’’- शकील उर रेहमान,संचालक, ट्युलिप उद्यान.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.