काही दिवसांपासून श्रीराम सेनेतर्फे (Sriram Sena) धर्मवीर संभाजी चौकातून मिरवणूक काढण्याचा निर्णय घेत तयारी केली होती.
बेळगाव : अयोध्या येथील श्रीराम मूर्ती प्रतिष्ठापनेचा (Ayodhya Ram Mandir Inauguration) उत्साह देशभरात साजरा केला जात आहे. त्यामुळे सर्वत्र उत्साहाचे वातावरण असताना, पोलिस प्रशासन आणि उच्च न्यायालयाने (High Court) श्रीराम सेना (हिंदुस्थान) तर्फे सोमवारी (ता.२२) धर्मवीर संभाजी चौकातून निघणाऱ्या शोभायात्रेला परवानगी नाकारली आहे. त्यामुळे कार्यकर्त्यांतून नाराजी व्यक्त होत आहे.
काही दिवसांपासून श्रीराम सेनेतर्फे (Sriram Sena) धर्मवीर संभाजी चौकातून मिरवणूक काढण्याचा निर्णय घेत तयारी केली होती. याबाबत प्रशासनाकडे परवानगीचा अर्ज दाखल केला. मात्र, शांतता आणि सुव्यवस्थेचा प्रश्न उपस्थित करत परवानगी देता येणार नाही, अशी माहिती रामसेनेला दिली होती. त्यामुळे रामसेनेने उच्च न्यायालयात धाव घेतली होती.
शोभायात्रा काढण्याची परवानगी द्यावी, अशी मागणी केली होती. मात्र, न्यायालयाने याचिका फेटाळली आहे. मात्र, इतर दिवशी शोभायात्रा काढण्यासाठी परवानगीचा अर्ज करावा, त्या दिवशी परवानगी दिली जाईल, असे स्पष्ट केले आहे. शोभायात्रा काढण्यासाठी परवानगी नसल्याचे पत्र सरकारी वकिलांनी राज्य गृह विभागाच्या सचिवांसह बेळगाव पोलिस आयुक्त व उपायुक्तांना पाठविले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.