नवी दिल्लीः केंद्रीय पर्यावरण मंत्री भूपेंद्र यादव यांनी शुक्रवारी स्पष्ट केले की, एयर कंडीशनर (AC) चे तापमान २० ते २८ अंश सेल्सिअसच्या दरम्यान अनिवार्य करण्याच्या कायद्याची अंमलबजावणी लगेच होणार नाही. ही योजना कालांतराने हळूहळू लागू केली जाईल.
भारत हवामान शिखर परिषदेत (India Climate Summit/ICS) २०२५ मध्ये त्यांना AC च्या तापमानाची नवीन मर्यादा कधी लागू केली जाईल, असे विचारले असता, यादव म्हणाले की, अशी कोणतीही स्थिती २०५० नंतरच उद्भवू शकते. ते म्हणाले, “मला वाटत नाही की हे लगेच कायदा येईल, कालांतराने यासाठी हळूहळू क्षमता निर्माण केल्या जातील.”