नवी दिल्ली : लष्कर भरतीच्या (Army Recruitment) अग्निपथ योजनेला (Agneepath Scheme) देशभरात प्रचंड विरोध होत आहे. ही योजना मागे घेण्याची मागणी करत अनेक ठिकाणी हिंसक निदर्शनं, जाळपोळ झाली. एकीकडे विरोध होत असताना अग्निपथ योजना सुसाट असून योजनेला तरुणांचा मोठा प्रतिसाद मिळत असल्याचं समोर आलं आहे. (Big response to Agneepath scheme)
अग्निपथ योजना मागे घेण्यासाठी सर्वोच्च न्यायालयात याचिका दाखल करण्यात आली होती, त्यावर आता न्यायालयानं सुनावणी घेण्याचं मान्य केलंय. दुसरीकडे या योजनेसाठी अर्ज केलेल्यांचा आकडा थक्क करणार आहे. केवळ इंडियान एअर फोर्समध्ये अग्निपथ योजनेअंतर्गत आतापर्यंत 7 लाख 49 हजार 899 अर्ज प्राप्त झाले आहेत. याआधी अर्ज प्राप्त होण्याची सर्वोच्च संख्या 6 लाख 31 हजार 528 एवढी होती. मात्र इंडियन एअर फोर्सच्या वतीने ही माहिती देण्यात आली आहे.
दरम्यान सर्वोच्च न्यायालयानं (Supreme Court) अग्निपथ योजनेविरोधात दाखल केलेल्या याचिकेवर सुनावणी घेण्याचं मान्य केलं असून पुढील आठवड्यात त्यावर सुनावणी होणार आहे. केंद्र सरकार (Central Government) आणि लष्कराकडून ही भरती योजना मागं घेणार नसल्याचं आधीच सांगण्यात आलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
