पटना : बिहारमध्ये शिक्षक भरतीसाठी हातात तिरंगा घेत घोषणा देऊन आंदोलन करणाऱ्या तरूणाला अतिरिक्त जिल्हा दंडाधिकाऱ्याने काठीने मारहाण केल्याची धक्कादायक घटना घडली आहे. त्यानंतर अधिकाऱ्याला बडतर्फ करण्याची मागणी नागरिकांकडून होत आहे. शिक्षक भरतीसाठी हे तरूण रस्त्यावर उतरून आंदोलन करत होते. या घटनेची सरकारकडून दखल घेण्यात आली आहे.
(Bihar Viral Video Student With a Tricolour Was Beaten)
दरम्यान, बिहारची राजधानी पटना येथील डाक बंगला चौकात काही शिक्षक भरतीसाठी काही आंदोलनकर्ते आंदोलन करत होते. सरकारकडून फक्त भरतीचे आश्वासने दिले जात आहेत पण आश्वासनांची पुर्तता केली जात नाही, सरकारने आमच्या मागण्या मान्य कराव्यात अशा मागणीसाठी हे आंदोलन सुरू होते. हे आंदोलन सुरू असताना पटना येथील अतिरिक्त जिल्हादंडाधिकारी के.के. सिंह तेथे आले होते. यावेळी त्यांनी तेथे उपस्थित असलेल्या पोलिसांच्या हातातील काठी घेत उमेदवारावर हल्ला केला. यावेळी आंदोलन करत असलेल्या उमेदवाराच्या हातात तिरंगा होता. हा उमेदवार हातात तिरंगा घेऊन घोषणा देत असतानाही चक्क जिल्हादंडाधिकाऱ्याकडून झालेल्या लाठीचार्जमुळे त्यांच्यावर जोरदार टीका होत आहे.
यानंतर या घटनेची दखल घेतली गेली असून, "सध्या हातात तिरंगा घेतलेल्या विद्यार्थ्यांला अतिरिक्त जिल्हादंडाधिकाऱ्याने मारहाण केल्याच्या घटनेचा व्हिडिओ व्हायरल होत आहे. ही घटना अविश्वसनीय असून याचा तपास करण्यासाठी कमिटीची स्थापना केली जाणार आहे. त्यानंतर समोर आलेल्या माहितीनुसार आम्ही कारवाई करू" असं पटनाचे जिल्हा दंडाधिकारी चंद्रशेखर सिंग यांनी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.