PM Modi In Ayodhya : ना बायकोसोबत रामाप्रमाणे वागले ना रामराज्य चालवलं; भाजपच्या बड्या नेत्याचा मोदींना घरचा आहेर

अयोध्येतील प्रभू श्री राम मंदिरात प्राण प्रतिष्ठा सोहळा आयोजित करण्यात आला आहे. या सोहळ्याकडे देश तसेच विदेशातील राम भक्तांचे लक्ष लागले आहे. हा सोहळा पंतप्रधान नरेंद्र मोदी आणि विविध क्षेत्रातील दिग्गज उपस्थित पार पडणार आहेत. यादरम्यान भाजपच्या एका बड्या नेत्याने पंतप्रधान नरेंद्र मोदी यांच्यावर टीका करत घरचा आहेर दिला आहे.

राम मंदिर प्राणप्रतिष्ठा सोहळ्याच्या पार्श्वभूमीवर सोशल मीडिया प्लॅटफॉर्म एक्सवर पोस्ट करत पंतप्रधान नरेंद्र मोदींवर टीका केली आहे. मोदी यांनी त्यांच्या वैयक्तिक आयुष्या प्रभू श्रीरामांच्या तत्वांचे पालन केले नसून त्यांनी गेल्या १० वर्षात रामराज्याप्रमाणे वागणूक देखील केली नसल्याचे भाजपचे ज्येष्ठ नेते माजी खासदार सुब्रह्मण्यम स्वामी म्हणाले आहेत.

सुब्रह्मण्यम स्वामी यांनी लिहीलं की, नरेंद्र मोदी राम मंदिरातील प्राणप्रतिष्ठा पूजेत सहभागी होत असले तरी पंतप्रधान म्हणून त्यांचं महत्त्व शून्य असेल. त्यांनी त्यांच्या वैयक्तिक आयुष्यात प्रभू श्रीराम यांच्या तत्वांचे पालन केलेलं नाही, विशेषतः त्यांच्या पत्नीविषयीची वागणूक पाहाता असं दिसून येत नाही, तसेच पंतप्रधान असताना गेल्या १० वर्षात ते रामराज्याप्रमाणे वागलेले नाहीत असेही भाजप नेते सुब्रह्मण्यम स्वामी म्हणाले आहेत.