नवी दिल्ली : लहान मुलांकडून नेमके किती प्रमाणामध्ये साखरेचे सेवन केले जाते यावर लक्ष ठेवण्यासाठी तसेच त्यांच्या आहारातील साखर कमी करण्यासाठी केंद्रीय उच्च माध्यमिक शिक्षण मंडळाने (सीबीएसई) संलग्न शाळांना ‘शुगर बोर्ड’ लावण्याचे निर्देश दिले आहेत. कधीकाळी प्रौढांमध्ये आढळून येणारा ‘टाइप-२’ मधुमेह आता लहान मुलांनाही होऊ लागल्याने तज्ज्ञांकडून चिंता व्यक्त करण्यात आली आहे. मागील काही दशकांमध्ये या मधुमेहाच्या रुग्ण संख्येमध्ये लक्षणीय वाढ होताना दिसून येते. लहान मुलांनाही हा आजार होऊ लागल्याने यंत्रणा खडबडून जागी झाली आहे.