Ahmedabad Rath Yatra : अहमदाबाद रथयात्रेत हत्ती बिथरल्यानं गोंधळ

अहमदाबाद : अहमदाबादमध्ये भगवान जगन्नाथाची १४८ वी रथयात्रा शुक्रवारी पार पडली. यात्रेत सकाळी सव्वादहाच्या सुमारास डीजेच्या कर्णकर्कश आवाजामुळे एक हत्ती बिथरला. बॅरिकेड तोडून तो एका गल्लीत घुसला. यामुळे झालेल्या पळापळीत दोन भाविक जखमी झाले..वन कर्मचाऱ्यांना वेळेत हत्तीवर नियंत्रण मिळवून त्यांना शांत केल्याने मोठी दुर्घटना टळली. या रथयात्रेतील मिरवणुकीत १७ हत्ती सर्वांत पुढे होते. मोठ्या आवाजातील संगीत आणि शिट्ट्या वाजवल्यामुळे मिरवणुकीतील एक हत्ती बिथरला. त्यामुळे घाबरलेल्या लोकांची पळापळ झाली. या हत्तीवर नियंत्रण मिळविण्यासाठी अन्य दोन हत्तींवरील माहूत त्याच्या मागे गेले. त्यांनी या हत्तीला शांत केले, अशी माहिती कांकरिया प्राणिसंग्रहालयाचे अधीक्षक डॉ. आर.के. साहू यांनी दिली. यात जखमी झालेल्या एकावर जागेवरच उपचार करण्यात आले तर दुसऱ्याला रुग्णालयात दाखल करण्यात आले..या घटनेनंतर अधिकाऱ्यांनी डीजे संगीत सुरू ठेवण्याचा निर्णय घेतला.२३ हजार पोलिस, ४१ ड्रोन आणि २५ ‘एआय’ कॅमेरे यांच्या सुरक्षेत यात्रा सुरळीत पार पडली. जमालपूर येथील जगन्नाथ मंदिरापासून १६ किलोमीटर अंतरापर्यंत भगवान जगन्नाथ, बलभद्र आणि सुभद्रा यांचे रथ ओढण्यासाठी शेकडो भाविकांनी गर्दी केली होती. .गुजरातचे मुख्यमंत्री भूपेंद्र पटेल यांच्या हस्ते रथयात्रेला सकाळी सात वाजता सुरुवात झाली. तीनही देवतांना पहाटे पाच ते सहा या वेळेत रथात विराजमान करण्यात आले. त्याआधी पहाटे चारला आरती झाली. यावेळी केंद्रीय मंत्री अमित शहा आणि त्यांचे कुटुंबही सहभागी झाले होते. रथयात्रेत हत्तींशिवाय, १०० ट्रक, ३० आखाडे, दहा भजन मंडळे सहभागी झाली होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.