Rahul Gandhi News : राहुल गांधी भल्या पहाटे कुस्तीच्या आखाड्यात; थेट बजरंग पुनियासोबत केले दोन हात

कुस्तीपटू आणि भारतीय कुस्ती महासंघ यांच्यात सुरू असलेल्या वादाचा मुद्दा चर्चेत आहे. यादरम्यान काँग्रेस नेते राहुल गांधी हे बुधवारी (27 डिसेंबर) पहाटे हरियाणातील झज्जर जिल्ह्यातील छारा गावात पोहोचले. येथे त्यांनी वीरेंद्र आर्य आखाड्यात जाऊन बजरंग पुनिया आणि इतर पैलवानांची भेट घेतली.

छारा हे पैलवान दीपक पुनिया यांचे गाव. दीपक आणि बजरंग यांनी त्यांच्या कुस्ती कारकिर्दीला वीरेंद्र आखाड्यापासूनच सुरुवात केली. आखाड्यातील राहुल गांधी यांचे फोटोही समोर आला आहे, ज्यामध्ये तो कुस्तीपटूंसोबत बसलेले दिसत आहेत.

भारतीय कुस्ती महासंघाबाबत (WFI) वाद सुरू असताना राहुलने कुस्तीपटूंची भेट घेतली आहे. केंद्रीय क्रीडा मंत्रालयाने नुकतीच WFI ची नवीन संस्था रद्द केली. एवढेच नव्हे तर नवनिर्वाचित अध्यक्ष संजय सिंह यांनाही निलंबित करण्यात आले. संजय सिंह हे भाजप खासदार आणि WFI चे माजी अध्यक्ष ब्रिजभूषण शरण सिंह यांचे जवळचे मानले जातात. ब्रिजभूषण यांच्यावर महिला कुस्तीपटूंचा लैंगिक छळ केल्याचा आरोप आहे.

बजरंग पुनिया सोबत खेळली कुस्ती

राहुल गांधी यांची भेट घेतल्यानंतर बजरंग पुनिया यांना काँग्रेस नेते राहुल गांधी इथे का आले होते? तेव्हा पुनियाने सांगितले की, त्यांना आमची दैनंदिन कुस्तीची दिनचर्या समजून घेतली आणि पाहिली. त्यांनी कुस्तीही खेळली आणि व्यायामही केला. पुनियाने सांगितले की, राहुल गांधी यांनी त्याच्यासोबत कुस्ती देखील खेळली. एका पैलवानाचा दिनक्रम पाहण्यासाठी येथे आले होते असे बजरंग पुनियाने सांगितले.

राहुल गांधींची अचानक आखाड्याला भेट

काँग्रेस खासदार राहुल गांधी यांनी वीरेंद्र आर्य आखाड्याला भेट दिली तेव्हा कुस्ती प्रशिक्षक वीरेंद्र आर्य म्हणाले की, राहुल गांधी येत असल्याबद्दल आम्हाला कोणीही सांगितले नाही. आम्ही येथे सराव करत होतो आणि तो अचानक आले... ते जवळपास येथे सकाळी 06:15 वाजता येथे पोहोचले ...त्ंयीने आमच्यासोबत व्यायाम केला आणि मग त्यांनी आम्हाला त्यांच्या व्यायामाबद्दल आणि खेळाबद्दल सांगितले. त्यांना खेळाबद्दल भरपूर ज्ञान आहे.