बूस्टर डोससाठी CORBEVAX ला परवानगी; DCGI नं दिली मंजूरी

नवी दिल्ली : देशात सध्या कोरोनाच्या संसर्गानं पुन्हा एकदा डोकं वर काढलं आहे. यापार्श्वभूमीवर आता कोर्बोव्हॅक्स या कोरोना प्रतिबंधक लसीला बूस्टर डोससाठी DGCI नं परवानगी दिली आहे. बायोलॉजिकल ई लिमिटेडनं याची माहिती दिली. (CORBEVAX gets DCGI nod as a heterologous COVID19 booster dose)

यापूर्वीच डीसीजीआयनं गेल्या वर्षी २८ डिसेंबर रोजी प्रौढांना आपत्कालिन वापरासाठी आणि या वर्षी ९ मार्च रोजी काही अटी-शर्तींसह १२ ते १७ वयोगटातील मुलांसाठी कोर्बोव्हॅक्सला परवानगी दिली होती. बायोलॉजिकल ई लिमिटेड या फार्मा कंपनीची निर्मिती असलेल्या कोर्बोव्हॅक्स लसीचा उपयोग १२ ते १४ वयोगटातील मुलांच्या लसीकरणासाठी केला जात आहे.