Corona Updates: दिवाळीनंतर कोरोनाचा प्रसार वाढला; 24 तासांत 45 हजारांपेक्षा जास्त रुग्ण | Sakal
sakal

बोलून बातमी शोधा

updates of corona

दिवाळीच्या अगोदर कोरोना रुग्णवाढीचा प्रतिदिन आकडा 30 हजारांच्या खाली गेला होता. पण गेल्या काही दिवसांपासून कोरोनाचा प्रसार भारतात वाढत असल्याचे दिसत आहे.

Corona Updates: दिवाळीनंतर कोरोनाचा प्रसार वाढला; 24 तासांत 45 हजारांपेक्षा जास्त रुग्ण

नवी दिल्ली: दिवाळीच्या अगोदर कोरोना रुग्णवाढीचा प्रतिदिन आकडा 30 हजारांच्या खाली गेला होता. पण गेल्या काही दिवसांपासून कोरोनाचा प्रसार भारतात वाढत असल्याचे दिसत आहे. मागील 24 तासांत देशात कोरोनाच्या 45 हजार 209 रुग्णांचं निदान झालं असून 501 रुग्णांचा मृत्यू झाला आहे. तर आतापर्यंत देशात कोरोना बाधितांचा आकडा 90 लाख 95 हजार 807 झाला आहे.

दिवाळीनंतर वाढत आहेत रुग्ण-
तसेच कोरोनाने मृत्यू झालेल्यांची संख्या 1 लाख 33 हजार 227 वर गेली आहे. तर सध्या देशभरात 4 लाख 40 हजार 962 कोरोना रुग्ण उपचार घेत आहेत. दिवसेंदिवस कोरोनावर उपचार घेत असलेल्या रुग्णांचा आकडा कमी होत होता पण दिवाळीनंतर याला काही प्रमाणात ब्रेक लागला आहे.

रिकव्हरी रेट 93 टक्क्यांच्या पुढे-
दिलासादायक बाब म्हणजे देशातील कोरोना रुग्णांचा रिकव्हरी रेट 93 टक्क्यांच्या पुढे गेला आहे. आतापर्यंत देशात 85 लाख 21 हजार 617 जण कोरोनामुक्त झाले आहेत. तसेच मागील 24 तासांत कोरोनाचे 43 हजार 493 रुग्ण कोरोनातून बरे होऊन घरी परतले आहेत.

चाचण्यांची संख्या 13 कोटींच्या वर-
 कोरोना रुग्णांची संख्या वाढत असल्याने सरकारकडून अजून चाचण्या करण्याचे निर्देश दिले आहेत. कारण मागील काही दिवसांपुर्वी प्रतिदिन चाचण्यांची संख्या 8 लाखांच्या खाली गेल्या होत्या. शनिवारी देशात 10 लाख 75 हजार 326 कोरोना चाचण्या झाल्या आहेत. तर आतापर्यंत देशात कोरोनाच्या 13 कोटी 17 लाख 33 हजार 134 चाचण्या पार पडल्याची माहिती आयसीएमआरने (Indian Council of Medical Research) दिली आहे.

(edited by- pramod sarawale)

Web Title: Corona Cases India Crosses 90 Lakh

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Diwali Festival
go to top