Corruption : निवृत्त स्टोअर कीपर निघाला कोट्यवधी रुपयांचा मालक ; आलिशान घर पाहून लोकायुक्त टीमला बसला धक्का..

Corruption : मध्यप्रदेशमध्ये एक निवृत्त स्टोअर कीपर कोट्यवधी रुपयांचा मालक निघाला आहे. लोकायुक्तांकडे बेहीशेबी मालमत्तेची तक्रार करण्यात आली होती. त्यानंतर पथकाने छापा टाकत या स्टोर कीपरची चौकशी केली.

संबंधित स्टोर किपरकडे तब्बल दहा कोटींची मालमत्ता आढळून आली आहे. यावेळी त्या कर्मचाऱ्यांचे आलिशान घर पाहून लोकायुक्त पथक चक्रावून गेले.

मध्यप्रदेश मधील भोपाळ येथे स्टोर किपर पदावरून निवृत्त झालेल्या एका कर्मचाऱ्यांच्या घरावर लोकायुक्तांच्या पथकाने छापा टाकला. दरम्यान या निवृत्त स्टोर कीपरकडे दहा कोटीं होऊन अधिकची मालमत्ता सापडली.

संबंधित स्टोअर कीपरचे नाव अश्फाक अली असून तो राजगड जिल्हा रुग्णालयात माजी स्टोर कीपर होता. बेहीशेबी मालमत्तेच्या तक्रारीच्या आधारे त्यावर गुन्हा दाखल करण्यात आला असून तपास सुरू आहे

संबंधित स्टोर कीपरच्या कुटुंबातील सदस्यांच्या नावावर सोळाहून अधिक स्थळांवर मालमत्ता असल्याची माहीती समोर येत आहे. याचबरोबर 50 हून अधिक मालमत्तांची चौकशी सुरू आहे. जेव्हा लोकायुक्तांच्या पथकाने अश्फाक आली यांच्या घरावर छापा टाकला तेव्हा इंटरियर पाहून संपूर्ण टीम थक्क झाली.

मॉड्युलर किचन, लाखो रुपयांचे झुंबर, रेफ्रिजरेटर, टीव्हीशिवाय महागडा सोफा आणि शोकेस पाहुन टीम थक्क झाली. अशफाक अलीच्या घरातून सुमारे 46 लाखांचे दागिने आणि सुमारे 20 लाखांची रोकड सापडली आहे.