Manish Sisodia : सिसोदिया यांना कुविख्यात गुंडासोबत शेअर करावी लागणार सेल; २० मार्चपर्यंत कोठडी

नवी दिल्ली : दिल्ली उत्पादन शुल्क धोरण प्रकरणी अटक करण्यात आलेले मनीष सिसोदिया यांची सीबीआयनंतर आता अंमलबजावणी संचालनालयाकडून (ईडी) चौकशी सुरू आहे. तिहार एक नंबरच्या तुरुंगातील वॉर्ड क्रमांक ९ मध्ये सिसोदियांना ठेवण्यात आलं आह. मात्र येत्या काही दिवसांत सिसोदिया यांना ही सेल इतर आरोपींसोबत शेअर करावी लागू शकते.

याबाबत अधिकाऱ्यांनीच माहिती दिली आहे. सिसोदिया सध्या ज्येष्ठ नागरिकांच्या सेलमध्ये असून तिथे सीसीटीव्ही आहेत. याच सेलच्या शेजारी काही कुख्यात गुंड आहेत. केजरीवाल सरकारमधील सत्येंद्र जैन याच वॉर्डमध्ये ७ क्रमांच्या सेलमध्ये आहे.

सोमवारी दिल्लीच्या राऊज एव्हेन्यू कोर्टाने दिल्लीचे माजी उपमुख्यमंत्री मनीष सिसोदिया यांना १४ दिवसांची म्हणजे २० मार्चपर्यंत न्यायालयीन कोठडी सुनावली. त्यांच्या जामीन अर्जावर १० मार्च रोजी न्यायालय निर्णय देणार आहे.

आम आदमी पक्षाचे नेते मनीष सिसोदिया यांना सोमवारी दुपारी तिहार तुरुंगात नेण्यात आले. तेथे काही वैद्यकीय चाचण्या करण्यात आल्या. सोमवारी दुपारी तिहार तुरुंगात पोहोचल्यानंतर सिसोदिया यांची वैद्यकीय तपासणी करण्यात आली आणि त्यांचा अहवाल नॉर्मल आला. यात टूथपेस्ट, टूथब्रश, साबण आणि दैनंदिन वापराच्या वस्तूंचा समावेश आहे.