लहान मुलांच्या कोरोना लसीकरणाचा मार्ग मोकळा; DGCIची मान्यता

नवी दिल्ली : भारतात ओमिक्राॅनच्या (Omicron) वाढत्या संख्येमुळे आपत्कालीन 'द ड्रग्ज कंट्रोलर ऑफ इंडिया'ने (DGCI)देशातील १२-१८ वयोगटांतील मुलांसाठी शनिवारी (ता.२५) भारत बायोटेकच्या (Bharat Biotech) कोव्हॅक्सिन कोविड-१९ च्या लसीला अधिकृत मान्यता दिली आहे. ऑक्टोबर महिन्यात तज्ज्ञ समितीने (SEC)डीजीसीआयला आणीबाणीच्या काळात मुलांना लसी देण्याची परवानगी मिळावी, अशी शिफारस केली होती. कोव्हॅक्सिन ही लस भारतातील मुलांसाठी दुसरी मंजुर केलेली दुसरी लस आहे. ऑगस्टमध्ये झायडस कॅडिलाचे तीन डोस डीएनओ प्रौढ आणि बारा वर्षांपुढील मुलांसाठी देण्यास परवानगी देण्यात आली होती. अहवालानुसार कोव्हॅक्सिनचे दोन डोस मुलांना दिले जातील.(DGCI Cleared Bharat Biotech Covxin For Children)

दोन्ही डोसमधील २८ दिवसांचे अंतर असावे. सरकारला दिलेल्या चाचणी डेटानुसार प्रौढ आणि लहान मुलांना देण्यात येणाऱ्या डोसमधील अंतर समान असेल. ओमिक्राॅनचे मोठ्या प्रमाणावर संसर्ग होत असताना ही मोठी बातमी असून या घोषणाचा मी स्वागत करतो, असे मेदांतचे अध्यक्ष डाॅ. नरेश त्रेहान यांनी यांनी केले आहे.