नवी दिल्ली: जगातील सर्वात मोठ्या दहशतवादी निधी (टेरर फंडिंग) देखरेख संस्थेने, फायनान्शिअल ॲक्शन टास्क फोर्स (FATF) ने एक धक्कादायक खुलासा केला आहे. दहशतवादी आता निधी गोळा करण्यासाठी, शस्त्रे खरेदी करण्यासाठी आणि हल्ले घडवण्यासाठी ई-कॉमर्स प्लॅटफॉर्म आणि ऑनलाइन पेमेंट सेवांचा वापर करत असल्याचे एफएटीएफने म्हटले आहे. भारतात झालेल्या पुलवामा आणि गोरखनाथ मंदिर प्रकरणांचा या अहवालात उदाहरणादाखल समावेश करण्यात आला आहे.