बंगळुरू : गर्लफ्रेंडसोबतच्या खासगी क्षणांचा व्हिडिओ पॉर्न वेबसाईटवर सापडल्याने एका तरुणाला धक्का बसला आहे. २५ वर्षीय तरुणानं पोलिस ठाण्यात (Austin Police station) धाव घेत कारवाई करण्याची मागणी केली आहे. ही घटना ऑस्टीन (Austin Town Bengaluru) शहरात घडली आहे.
तरुणाने काही दिवसांपूर्वी बंगळुरूमधील हॉटेलमध्ये आपल्या गर्लफ्रेंडसोबत रात्र घालवली होती. यावेळी कोणीतरी आमच्या खासगी क्षणांचे व्हिडिओ काढले आणि पॉर्न वेबसाईटवर अपलोड केले. जेव्हा तरुणाने या वेबसाईटला भेट दिली तेव्हा त्याला धक्का बसला. कारण, त्याचा आणि त्याच्या गर्लफ्रेंडचा व्हिडिओ तिथे दिसला. इतकेच नाहीतर इतर वेबसाईटवर देखील हा व्हिडिओ दिसला, असं तरुणाने तक्रारीमध्ये सांगितलं आहे. त्यानुसार सायबर क्राईम पोलिसांनी अज्ञाताविरोधात गुन्हा दाखल केला आहे.
व्हिडिओमध्ये दोघांचेही चेहरे ब्लर करण्यात आले आहेत. मात्र, शरीरावरील इतर भागांवर असलेल्या जन्मखुणांवरून हा व्हिडिओ आपला असल्याचा दावा तरुणाने केला आहे. अपलोड केलेला व्हिडिओ गुप्तपणे शूट केला गेला नाही असा संशय पोलिसांना आहे. कारण त्यात वेगवेगळ्या अँगलने व्हिडिओ शूट करण्यात आला आहे. या प्रकरणाची दखल घेतली असून तपास सुरू आहे, असं पोलिसांनी सांगितलं.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.