Amit Shah Lok Sabha: घरच्या मैदानात गृहमंत्र्यांचा विजयी हुंकार! अमित शहांना ३ लाखांपेक्षाही मोठी आघाडी

गुजरातमधील गांधीनगर लोकसभा मतदारसंघातून गृहमंत्री अमित शाह आघाडीवर आहेत. 2024 च्या लोकसभा निवडणुकीचे निकाल येऊ लागले आहेत. सुरुवातीच्या ट्रेंडमध्ये एनडीए (NDA) आणि INDIA आघाडी यांच्यात चुरशीची स्पर्धा पाहायला मिळत आहे. गुजरातची राजधानी असलेल्या गांधीनगर लोकसभा जागेवर एकतर्फी लढत पाहायला मिळाली. येथे गृहमंत्री अमित शाह 3 लाखांहून अधिक मतांनी आघाडीवर आहेत. काँग्रेसच्या उमेदवार सोनल रमणभाई पटेल यांना अद्याप एक लाख मतांचा आकडा गाठता आलेला नाही. शाह दुसऱ्यांदा येथून विजयाच्या वाटेवर आहेत.

गांधीनगरची जागा 1989 पासून भाजपकडे

गांधीनगर लोकसभा जागा 1967 साली अस्तित्वात आली. तेव्हापासून 1984 पर्यंत ही जागा काँग्रेसकडेच राहिली. 1977 मध्येच जनता पक्षाचे पुरुषोत्तम मावळणकर निवडणूक जिंकले होते.

1989 मध्ये भाजपच्या शंकरसिंह वाघेला यांनी पहिल्यांदाच निवडणूक जिंकल्यानंतर येथे खाते उघडले. तेव्हापासून ही जागा भाजपच्या हातात राहिली.

भाजपचे दिग्गज नेते लालकृष्ण अडवाणी यांनी येथून ६ वेळा निवडणूक जिंकली आहे. १९९६ मध्ये अटलबिहारी वाजपेयीही येथून विजयी झाले होते.

2019 मध्ये अमित शाहांना 8 लाखांहून अधिक मते मिळाली होती

2019 च्या लोकसभा निवडणुकीत अमित शाह यांना गांधीनगर मतदारसंघातून 8.94 लाख मते मिळाली होती. दुसऱ्या क्रमांकावर काँग्रेसचे चतुरसिंह जानवजी चावडा होते, त्यांना ३.३७ लाख मते मिळाली.