हमाल करी कमाल! UPSC मध्ये मारली बाजी

केरळमधील(Keral) मुन्नार (Munnar) जिल्ह्यातील मूळ रहिवासी असलेले श्रीनाथ के(Srinath K). एर्नाकुलम (Ernakulam) येथील रेल्वे स्थानकात हमाल म्हणून काम करत होते. 2018 मध्येच त्याने स्पर्धा परीक्षेचा (civil exams) अभ्यास सुरू केला. कठोर परिश्रम आणि निष्ठेमुळे त्यांनी केरळ लोकसेवा आयोग (KPSC) ची परीक्षा उत्तीर्ण केली. अथक प्रयत्नांनंतर, अखेर त्यांनी संघ लोकसेवा आयोग (UPSC) परीक्षा यशस्वीपणे उत्तीर्ण केली, असे न्यूज 18 ने वृत्त दिले आहे. (Hamal Srinath K passed UPSC studied at the train station using free WiFi in Kerala)

वडील म्हणून कर्तव्य पूर्ण करण्यासाठी घेतला निर्णय

तासनतास मेहनत करूनही श्रीनाथ यांची आर्थिक परिस्थिती फारशी चांगली नव्हती आणि त्यामुळे त्यांच्या एक वर्षाच्या मुलीला त्रास होऊ नये असे त्यांना वाटत होते. अधिक पैसे कमावण्यासाठी त्यांनी डबल शिफ्टमध्ये काम करायला सुरुवात केली, पण तरीही दिवसाला फक्त 400-500 रुपये मिळत होते. अखेर त्याने ही परिस्थिती बदलण्यासाठी स्पर्धा परीक्षा देण्याचा निर्णय घेतला.

प्रेरणादायी प्रवास

श्रीनाथ के. हे त्यांच्या कुटुंबातील एकमेव कमावणारे आहेत. आवश्यक शारीरिक चाचणी उत्तीर्ण झाल्यानंतर ते अधिकृत कुली बनले होते. स्पर्धा परीक्षेचा अभ्यास करण्यासाठी त्याच्याकडे आवश्यक साहित्य नव्हते. पण त्याने हार मानली नाही. परीक्षेची ऑनलाइन तयारी करण्यासाठी त्याने आपला स्मार्टफोन आणि रेल्वे स्टेशनवरील मोफत वाय-फायचा वापर केला. कोणतेही क्लासेस जॉईन न करता, त्याने KPSC परीक्षा उत्तीर्ण केली. त्यानंतर तो इथेच थांबला नाही आणि त्याने UPSC परीक्षेची तयारी सुरू केली. पहिल्या तीन प्रयत्नामध्ये तो अपयशी झाला तरी त्याने प्रयत्नक करणे सोडले नाही. अखेर मेहनत आणि चिकाटीच्या जोरावर त्याने UPSC परीक्षा उतीर्ण झाली.

श्रीनाथ यांचा हा प्रवास अनेकांना प्रेरणा देत आहे. काही अयशस्वी प्रयत्नांनंतर निराश झालेल्या, संसाधनांच्या कमतरतेमुळे त्यांच्या क्षमतेवर विश्वास नसलेल्या आणि कौटुंबिक जबाबदाऱ्या आणि स्वतःची स्वप्ने यामध्ये अडकलेल्या लाखो विद्यार्थ्यांसाठी आज IAS श्रीनाथ एक जिवंत प्रेरणा आहे.