Human Trafficking : मुलीसाठी तीन लाख, मुलासाठी पाच लाख रुपये! हैदराबादमध्ये नवजात शिशूंच्या विक्रीचा दर, तस्करी करणारी टोळी अटकेत

एम. ए. एस. कुमारहैदराबाद : नवजात बाळांचे अपहरण करून परराज्यात त्यांची विक्री करणाऱ्या मानवी तस्करीच्या आंतरराज्य टोळीचे कारनामे हैदराबादमधील राचकोंडा पोलिसांनी उघडकीस आणले आहेत..गुजरातमधून मुलींची तस्करी करून तीन लाख रुपयांना आणि मुलाचे अपहरण करून तीन लाख रुपयांना विकणाऱ्या टोळीची माहिती मिळाल्यानंतर पोलिसांनी तातडीने कारवाई करीत विकलेल्या चार बाळांची (दोन मुली आणि दोन मुलगे) सुटका केली..बाळांची खरेदी करणाऱ्यांना अटक करण्यात आली आहे. राचकोंडाचे पोलिस आयुक्त सुधीरबाबू यांनी दिलेल्या माहितीनुसार या प्रकरणात सुमारे ११ जणांना अटक झाली आहे. चैतन्यपुरम पोलिस ठाणे क्षेत्रात एका बाळाची विक्री होत असल्याची माहिती मंगळवारी (ता.२५) मिळाली होती. पोलिसांनी तातडीने कारवाई करीत मुले विकणाऱ्या टोळीला पकडले. यामध्ये कोला कृष्णवेणी, सावित्रीदेवी आणि संपतकुमार यांचा समावेश आहे. चौकशीत त्यांचे सर्व कारनामे उघड झाले..गुजरातशी संबंधसावित्रीदेवी ही अहमदाबादची असून तेथून एका नवजात शिशूचे अपहरण करून तिने चैतन्यपुरीला आणले होते. येथे या टोळीचे म्होरके कोला कृष्णवेणी आणि बट्टू दिप्ती आणि संदीपकुमार हे तेथून बाळाला घेऊन गेले. मेहबूबाबाद जिल्ह्यातील केसमुद्रम येथे राहणाऱ्या दांपत्याला हे बाळ ४२ लाखांना विकण्यात येणार होते..बालकांना पळवून त्यांचे खरेदी -विक्रीचे व्यवहार करणाऱ्या टोळीची प्रमुख वंदना ही अहमदाबादमध्ये राहणारी आहे. तिच्या सांगण्यानुसारच सावित्रीने बालकाला तेथून पळविले आणि पैसे घेऊन त्याला कृष्णावेणीच्या टोळीच्या ताब्यात दिल्याचे पोलिस तपासात उघड झाले आहे..हैदराबाद मुख्य केंद्रमुलांच्या खरेदी-विक्री करण्याऱ्या या टोळीचे मुख्य केंद्र हैदराबाद आहे. कृष्णावेणी हिला यापूर्वीही या गुन्ह्यात अटक करण्यात आली होती. मूलबाळ नसल्याने तिचा घटस्फोट झाला आहे. या दरम्यान कृष्णावेणी सोशल मीडियाच्या माध्यमातून मुले विकणाऱ्या टोळीच्या संपर्कात आली. सावित्री आणि सुनीता सुमन यांच्या माध्यमातून ती मुलांना खरेदी करीत होती. मुलीसाठी दीड लाख रुपये आणि अडीच लाख रुपये ती देत होती. त्यानंतर दुप्पट पैसे घेऊन ती या बालकांची विक्री करीत असे..Donald Trump : ‘गोल्डकार्ड’मुळे भारतीयांना नोकरीची संधी; ट्रम्प यांचा दावा, नामवंत विद्यापीठांतील विद्यार्थ्यांना फायदा होणार.दोन महिन्यांत तीन बालकांची विक्रीअटकेनंतर कृष्णावेणीने पोलिसांकडे गुन्ह्याची कबुली दिली. तिने २८ जानेवारी रोजी विजयवाडा येथील दांपत्याला दहा लाख रुपयांनी मुलगा विकला होता. त्याला २.७० लाख रुपयांना खरेदी केले होते. यानंतर सैदाबाद येथील जोडप्याला चार फेब्रुवारीला एक मूल अडीच लाख रुपयांना देण्यात आले. .तसेच १२ फेब्रुवारी रोजी मेहबूबाबादमधील एका व्यक्तीकडून ४.८० लाख रुपये घेऊन एका शिशूची विक्री करण्यात आली. अहमदाबाद येथील चन्नूने २५ फेब्रुवारीला एक बालकाला विक्रीसाठी आणले होते. त्याचवेळी पोलिसांनी या टोळीला अटक केली. बाळांची विक्री करताना ती घेणाऱ्यांना कोणताही संशय येऊ नये म्हणून बालकांचे खोटे जन्मदाखले आणि त्यांच्या आईवडिलांचे बनावट आधारकार्ड तयार करण्याचा प्रयत्न या टोळीने केला होता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories