लांबपल्ल्यांच्या रेल्वेगाड्यांमध्ये लहान मुलांसाठी स्वतंत्र शय्याव्यवस्था
मुंबई : भारतीय रेल्वेने आपल्या रेल्वेगाड्यांमध्ये एका नव्या सुविधेचे उद्घाटन नुकतेच केले आहे. रेल्वे डब्यातील आसनाच्या बाजूला baby birth बसवण्यात आला आहे. त्यामुळे लहान मुलांना घेऊन प्रवास करणाऱ्या पालकांची सोय झाली आहे.
सध्या हा baby birth काही निवडक ट्रेन्समध्ये प्रायोगिक तत्त्वावर बसवण्यात आला आहे. मातृदिनाच्या निमित्ताने या सुविधेचे उद्घाटन करण्यात आले. प्रवाशांकडून सकारात्मक प्रतिसाद मिळाल्यानंतर ही सुविधा सर्व गाड्यांमध्ये उपलब्ध करून देण्यात येणार आहे.
हे बेबी बर्थ खालच्या आसनाला जोडण्यात आले असून ते दुडून ठेवता येतात. तसेच बाळ खाली पडू नये म्हणूनही व्यवस्था करण्यात आली आहे. ही सुविधा उत्तर रेल्वेच्या लखनऊ आणि दिल्ली विभागाच्या पुढाकाराने सुरू करण्यात आली आहे. हा बर्थ कसा वापरावा याची चित्रफीत रेल्वेने समाजमाध्यमांवर प्रसारित केली आहे.
लखनऊ मेलच्या कोच 194129/ B4, berth no 12 & 60 मध्ये एक बेबी बर्थ प्रायोगिक तत्त्वावर लावण्यात आला आहे. समाजमाध्यम वापरकर्त्यांनी रेल्वेच्या या सुविधेचे कौतुक केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.