India Pakistan War: INS Vikrant मुळे झाला पाकिस्तानचा करेक्ट कार्यक्रम; कराची बंदरात झालं तांडव

नवी दिल्ली : 'ऑपरेशन सिंदूर'च्या दणक्यातून पाकिस्तान सावरण्यापूर्वीच त्यांच्या सैन्याने भारतावर आक्रमण करण्याची चूक केली. यानंतर भारताने अधिक कठोर भूमिका घेत हवाई दल व लष्करासह नौदलालाही आक्रमणाचे आदेश दिले. हे आदेश मिळताच INS Vikrant ने आपली भेदकता दाखवून देत कराची बंदरावर घातक हल्ला केला..'ऑपरेशन सिंदूर'च्या पहिल्या कारवाईपासूनच आयएनएस विक्रांतने लक्ष्याच्या दिशेने कूच सुरु केली होती. गुरुवारी 'विक्रांत'ला मुंबईपासून ६०० नॉटिकल माईल्स अंतरावर ठेवण्यात आले होते. ब्राह्मोस क्षेपणास्त्र भात्यात असणाऱ्या या 'विक्रांत'मुळे पाकिस्तानला आधीच धडकी भरली होती. मात्र तरीही पाकिस्तानी लष्कराने भारतावर गुरुवारी हल्ले करण्याचा प्रयत्न केला..कराचीपासून अंदाजे ३०० ते ४०० समुद्री मैल अंतरावर थांबलेल्या INS Vikrant ला फक्त एका आदेशाची गरज होती. पाकिस्तानच्या गुरुवारच्या हल्ल्यामुळे भारतीय नेतृत्त्वाने नौदलालाही आक्रमणाचे आदेश दिले. त्यानंतर अवघ्या काही वेळातच कराची बंदरावर भेदक हल्ले सुरु झाले..कराची बंदरच का?कराची हे दक्षिण आशियातील एक महत्त्वाचे बंदर आहे. पाकिस्तानच्या एकूण व्यापारापैकी ६० टक्के व्यापार कराची बंदरातूनच होतो. तसेच कराची हे पाकिस्तानी नौदलाचे मुख्यालयही आहे. त्यामुळे आर्थिक आणि सामरिक अशा दोन्ही दृष्टींनी महत्त्वाच्या असलेल्या केंद्रावरच भारताने घाव घातला आहे..कराची बंदराकडे येणारी वाहतूक भारतीय नौदलाने रोखली किंवा संपूर्ण बंदरच उध्वस्त केले तर पाकिस्तानची अर्थव्यवस्था काही दिवसांतच कोलमडू शकते. त्यातच INS Vikrant वर ब्राह्मोस क्षेपणास्त्र असल्याने समुद्रातूनही अवघ्या काही क्षणांमध्ये पाकिस्तानची महत्त्वाची ठिकाणे उध्वस्त होऊ शकतात..India Pakistan War: पाकिस्तानकडून हमास स्टाईल हल्ला; भारतीय सैन्याने हाणून पाडला प्रयत्न! काय आहे ही HAMAS-Style?.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.