International Civil Aviation Day : जगातील सर्वोत्तम विमानतळ; टॉप 10 मध्ये भारताचाही समावेश

International Civil Aviation Day : आज जगभरात आंतरराष्ट्रीय नागरी विमानसेवा दिन साजरा केला जात आहे. जगभरातील अनेक विमानतळांची नावे त्या ठिकाणी मिळणाऱ्या सुविधांमुळे नेहमी चर्चेत असतात. आज आम्ही आंतरराष्ट्रीय नागरी विमानसेवा दिनानिमित्त जगभरातील टॉप 10 सर्वोत्तम विमानतळांबाबत माहिती सांगणार आहोत. सेवा गुणवत्ता आणि खाद्यपदार्थ आणि दुकाने यांच्या आधारावर ही विमानतळे नेहमी चर्चेत असतात.

हेही वाचा: शेतमजूर ते कॅनाॅल मॅन...जाणून घ्या एक यशोगाथा....

हमाद आंतरराष्ट्रीय विमानतळ दोहा : हमाद आंतरराष्ट्रीय विमानतळ कतारची राजधानी दोहा येथे आहे. हे विमानतळ आधी 2009 मध्ये सुरू करण्याचे नियोजित होते. परंतु खर्चिक विलंबामुळे अखेर 30 एप्रिल 2014 रोजी हे सर्व सामान्यांसाठी खुले करण्यात आले.

टोकियो आंतरराष्ट्रीय विमानतळ : हमाद आंतरराष्ट्रीय विमानतळानंतर टोकियो आंतरराष्ट्रीय विमानतळ हे सर्वोत्तम विमानतळ आहे. हे विमानतळ जपानची राजधानी टोकियो येथे आहे. हे विमानतळ टोकियो हानेदा विमानतळ आणि हानेदा आंतरराष्ट्रीय विमानतळ म्हणूनही ओळखले जाते.

अथेन्स आंतरराष्ट्रीय विमानतळ : ग्रीसच्या राजधानीत असलेल्या अथेन्स आंतरराष्ट्रीय विमानतळदेखील सर्वोत्तम आहे. हे विमानतळ युरोपमधील 27 वे सर्वात व्यस्त विमानतळ आहे.

सिंगापूरचे चांगी विमानतळ : सिंगापूर चांगी विमानतळ हे दक्षिण-पूर्व आशियातील सर्वात मोठ्या वाहतूक केंद्रांपैकी एक आहे.

राजीव गांधी आंतरराष्ट्रीय विमानतळ : भारतातील राजीव गांधी आंतरराष्ट्रीय विमानतळ प्रवासी वाहतुकीच्या बाबतीत भारतातील सहावे सर्वात व्यस्त विमानतळ आहे.