धक्कादायक ! इस्रोच्या वैज्ञानिकाची घरामध्ये घुसून हत्या

ISRO employee found murdered in Hyderabad
ISRO employee found murdered in Hyderabad

नवी दिल्ली : इस्रोचे वैज्ञानिक एस.सुरेश यांची हैदराबादमध्ये हत्या झाली आहे. हैद्राबादमधील अमीरपेठ भागातील अन्नपूर्णा अपार्टमेंटमधील फ्लॅटमध्ये एस. सुरेश मंगळवारी मृतावस्थेत आढळले. त्यांची हत्या झाली असल्याचे स्पष्ट झाले असून त्यांच्या हत्येने खळबळ उडाली आहे.

अज्ञात आरोपीने त्यांची घरात घुसुन हत्या केली आहे. सुरेश हे मूळ केरळचे असून हैदराबादमध्ये ते एकेटच राहत होते. इस्रोच्या नॅशनल रिमोट सेन्सिंग सेंटर विभागात ते कार्यरत होते. मंगळवारी सुरेश कामावर आले नाहीत त्यावेळी सहकाऱ्यांनी त्यांना संपर्क करण्याचा प्रयत्न केला परंतु, त्यांच्याकडून काहीही प्रतिसाद मिळाला नाही. इस्रोमधल्या सहकाऱ्यांनी सुरेश यांच्या पत्नी इंदिराला फोन करुन याबद्दल माहिती दिली. सुरेश यांच्या पत्नी कुटुंबियांसह लगेच हैदराबादमध्ये पोहोचल्या व पोलिसांशी संपर्क साधला. पोलिसांनी घराचा दरवाजा तोडून घरात प्रवेश केला तेव्हा सुरेश मृतावस्थेत आढळून आले. एका जड वस्तूने त्यांच्या डोक्यात प्रहार केल्यामुळे सुरेश यांचा मृत्यू झाल्याचे पोलिसांनी सांगितले आहे.

दरम्यान, सुरेश यांचा मृतदेह शवविच्छेदनासाठी पाठवण्यात आला असून पोलिस पुढील तपास करीत आहेत. पोलिसांनी पुढील तपासासाठी घराचा ताबा घेतला असून सुरेश यांच्या हत्येमागचे कारण अजून समजू शकले नाही. परंतु सुरेश यांच्या हत्येने खळबळ उडाली आहे. सुरेश गेल्या २० वर्षांपासून हैदराबादमध्ये राहत होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com