श्रीनगरमध्ये भाजप नेत्याच्या घरावर दहशतवाद्यांचा हल्ला; पोलिस कॉन्स्टेबलचा मृत्यू

जम्मू-काश्मीर : श्रीनगरच्या नौगाममधील भाजप नेता अनवर खान यांच्या घरावर गुरुवारी दहशतवादी हल्ला झाला आहे. या हल्ल्याची माहिती मिळताच पोलिसांची तुकडी घटनास्थळी पोहोचली. तिथे कॉन्स्टेबल रमीज राजा हल्ल्यात जखमी झाले. त्यानंतर त्यांना हॉस्पिटलमध्ये उपचारासाठी भरती केलं गेलं जिथे ते शहिद झाले. 

अनवर खान हे बारामुला जिल्हा महासचिव आहेत तसेच त्यांना कुपवाडा जिल्ह्याचे प्रभारी बनवलं गेलं आहे. सुत्रांच्या माहितीनुसार, दहशतवादी जखमी पोलिसाची रायफल घेऊन फरार झाले आहेत. पोलिसांनी या प्रकरणी खटला दाखल करुन तपास सुरु केला आहे. 

हेही वाचा - 'निवडणूका डोळ्यांसमोर ठेवून फिरवला का निर्णय?'; प्रियंका गांधींची अर्थमंत्र्यांवर जोरदार टीका

याआधी जम्मू-काश्मीरमधील बारामुला जिल्ह्यातील सोपोर भागातील नगरपालिसा कार्यालयावर सोमवारी दुपारी दहशतवाद्यांनी फायरिंग केली होती. या दहशतवादी हल्ल्यामध्ये जखमी झालेल्या आणखी एकाचा मंगळवारी उपचारादरम्यान मृत्यू झाला.