कालीचरणवर देशद्रोहाचा गुन्हा

कथित धर्मगुरू कालीचरण महाराज (Kalicharan Maharaj) याने काही दिवसांपूर्वी केलेल्या वक्तव्यानंतर आज रायपुर पोलिसांनी त्याला मध्यप्रदेशच्या खजूराहोमधून अटक केली. कालीचरण याने काही दिवसांपूर्वी धर्म संसदेत महात्मा गांधी (Mahatma Gandhi) यांच्याबद्दल अपशब्द वापरत, त्यांची हत्या करणाऱ्या नाथूराम गोडसेला (Nathuram Godse) नमस्कार करतो असं वादग्रस्त वक्तव्य केलं होतं. या प्रकरणात आता छत्तीसगड पोलिसांनी कालीचरणवर देशद्रोहाचा गुन्हा (Treason Case Against Kalicharan) सुद्धा दाखल केला आहे. कालीचरणने महात्मा गांधींवर टीका करताना भाषेची मर्यादा ओलांडत अपशब्दांचा वापर केला होता. या घटनेनंतर देशभरातून त्यांच्यावर कारवाईची मागणी होत होती.

कालीचरणवर भडकाऊ भाषण केल्याप्रकरणी अनेक ठिकाणी गुन्हे दाखल करण्यात आले होते. छत्तीसगडची राजधानी रायपूरमध्ये एका संघटनेने आयोजित केलेल्या धर्म संसदेत धर्मगुरू कालीचरण महाराज याने महात्मा गांधींबद्दल अपशब्द वापरत, त्यांची हत्या करणाऱ्या नथुराम गोडसेंचं समर्थन केलं होतं. कालीचरणवर भारतीय दंड संहितेच्या कलम ५०५ (२) आणि २९४ अंतर्गत गुन्हा दाखल करण्यात आला होता. त्यानंतर आता त्यात देशद्रोहाच्या कलमाचा देखील समावेश करण्यात आला आहे.

पुण्यातही गुन्हा दाखल...

पुणे पोलिसांकडून देखील कालीचरणवर गुन्हा दाखल करण्यात आला आहे. पुणे पोलिसांनी (Pune Police) वादग्रस्त वक्तव्य केल्याच्या दुसऱ्या एका प्रकऱणात कालीचरणवर गुन्हा दाखल केला आहे. कालीचरण आणि मिलींद एकबोटे यांच्याविरोधात गुन्हा दाखल कऱण्यात आला आहे. खडकमाळ पोलीस स्टेशनमध्ये दोघांविरोधात गुन्हा दाखल करण्यात आला आहे. त्यांनी दोन दिवसांपूर्वी केकेलं वक्तव्य भोवलं असून, याआधी 2 ठिकाणी तक्रारी दाखल झाल्या आहेत.19 डिसेंबरला नातूबागेतील अफझलखानाचा आनंदोत्सव साजरा कऱण्यासाठी कालीचरण आला होता. या प्रकरणात कलम 297, 298 आणि 34 अंतर्गत त्यांच्यावर गुन्हा दाखल करण्यात आला आहे.