Madal Virupakshappa News : कर्नाटकमधल्या चन्नागिरीमधील भाजप आमदार मदल विरुपक्षप्पा यांना अटक करण्यात आली आहे. भ्रष्टाचाराच्या एका प्रकरणात त्यांच्यावर ही कारवाई करण्यात आली. यापूर्वीच कर्नाटक उच्च न्यायालयाने त्यांचा अटकपूर्व जामीन फेटाळून लावला होती.
कर्नाटकमधील लोकायुक्तच्या भ्रष्टाचारविरोधी शाखेने काही दिवसांपूर्वी आमदार मदल विरुपक्षप्पा यांचा मुलगा प्रशांत मदल याला ४० लाख रुपयांची लाच घेतांना अटक केली होती. प्रशांत मदल याला लोकायुक्तच्या अधिकाऱ्यांना त्यांच्या कार्यालयात लाच घेतांना रंगेहात पकडलं होतं. या कारवाईमध्ये अधिकाऱ्यांना आमदारांच्या कार्यालयातून १.७ कोटी आणि घरातून सहा कोटी रुपये जप्त केले होते.
लोकायुक्तांच्या या कारवाईनंतर आमदार मदल विरुपक्षप्पा यांनी कर्नाटक साबन आणि डिटर्जेंट लिमिटेडच्या अध्यक्षपदावरुन राजीनामा दिला होता. आता ऐन निवडणुकीच्या तोंडावर त्यांना अटक करण्यात आलेली आहे.
मदल विरुपक्षप्पा हे सलग दोनदा दावणगेरे जिल्ह्यातील चन्नागिरी मतदारसंघातून निवडून आलेले आहेत. त्यांनी २०१८मधील विधानसभा निवडणुकीसाठी शपथपत्रामध्ये ५.७३ कोटी रुपयांच्या संपत्तीची माहिती दिली होती. तर २०१३मध्ये त्यांनी १.७९ कोटी रुपायांची संपत्ती घोषित केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.