Karnataka Politics : DK शिवकुमार होणार कर्नाटकचे नवे मुख्यमंत्री? पुढील 48 तासांत मोठ्या घडामोडी घडणार, काँग्रेस हायकमांड काय घेणार निर्णय?

बंगळूर : कर्नाटकच्या राजकारणात (Karnataka Politics) अनपेक्षित घडामोडींची चिन्हे स्पष्टपणे दिसू लागली आहेत. ठरलेल्या करारानुसार मुख्यमंत्रिपद मिळविण्यासाठी दृढनिश्‍चयाने प्रयत्नरत असलेले उपमुख्यमंत्री डी. के. शिवकुमार आता निर्णायक पावले उचलत असल्याचे संकेत मिळत आहेत. शुक्रवारी (ता. २८) दुपारी शिवकुमार (DK Shivakumar) यांचे बंधू आणि खासदार डी. के. सुरेश यांनी दिल्ली गाठली असून, ते सत्ता वाटपाच्या चर्चांमध्ये सहभागी झाल्याची माहिती मिळत आहे. त्यामुळे त्यांची दिल्ली भेट महत्त्वाची ठरली आहे.