कुंकू रुसलं! नवरदेवाने वरमाला घालताच नवरीचा दुर्दैवी मृत्यू; धक्कादायक कारण...

लखनऊः लग्नसोहळा म्हणजे आयुष्यातला सर्वात मोठा आनंद. या सोहळ्यात कुठलंही विघ्न येऊ नये, अशी सर्वांचीच धारणा असते. परंतु एका लग्नाच्या मांडवात धक्कादायक घटना घडली आहे. त्यामुळे उपस्थित नातेवाईकांना हळहळण्याशिवाय पर्याय उरला नाही.

दोन दिवसांपूर्वी मलिहाबादमध्ये एक विवाह सोहळा होता. सर्वकाही व्यवस्थित सुरु होतं. इतर लग्नांप्रमाणे इथंही धावपळ, उत्साह होता. मात्र अचनाक एक घटना घडली आणि सगळंकाही बदलून गेलं.

लग्नविधीदरम्यान नवरीने नवऱ्या मुलाला वरमाला (हार) घातली, नवरदेवानेही तिला हार घातला... मात्र अचानक ती स्टेजवर कोसळली. तिला अटॅक आला. काही वेळातच नवरीचा यामध्ये दुर्दैवी मृत्यू झाला.

ही घटना मलिहाबाद येथील भदवाना गावात घडली. नवऱ्या मुलाकडील नातेवाईक वऱ्हाड घेऊन बुद्धेश्वर येथून आले होते. शिवांगी आणि विवेक यांचं लग्न होतं. मात्र स्टेजवर हार घातल्यानंतर झालेल्या घटनेने सर्वकाही बदलून गेलं. मृत शिवांगीचं वय २१ वर्षे होतं.