Latest Maharashtra News Updates Live: ''खालिद का शिवाजी' चित्रपटावर बंदीसाठी शिवप्रेमी संघटना आज मुख्यमंत्र्यांना भेटणार

'खालिद का शिवाजी' चित्रपटाला दिवसेंदिवस विरोध वाढत असून या चित्रपटावर बंदी घालण्यात यावी या मागणीसाठी शिवप्रेमी संघटना आज मुख्यमंत्री देवेंद्र फडणवीस यांची भेट घेणार आहेत.नागपूरातील इंदमार कंपनीचं एमआरओ अदानी समूहाने खरेदी करून आता अदानी डिफेन्स सिस्टीम ॲंड टेक्नॉलॉजीजकडून चालवलं जाणार आहे. मिहान परिसरातील ३० एकर क्षेत्रावर विस्तारलेला हा प्रकल्प १० हॅंगर आणि १५ विमानं ठेवण्याच्या सुविधेसह सज्ज आहे. या अत्याधुनिक एमआरओद्वारे भारतासह जगातील प्रमुख देशांना दुरुस्ती, देखभाल आणि तांत्रिक सेवा पुरवल्या जात आहेत..आगामी गणेशोत्सवाच्या पार्श्वभूमीवर आज नाशिक पोलिसांनी महत्त्वपूर्ण बैठक बोलावली आहे. ही बैठक दुपारी ४ वाजता भद्रकाली पोलीस ठाण्यात पार पडणार असून, पोलीस आयुक्त संदीप कर्णिक यांच्या अध्यक्षतेखाली तिचे आयोजन करण्यात आले आहे. या बैठकीस सार्वजनिक गणेशोत्सव मंडळांचे पदाधिकारी, ढोल पथकांचे अध्यक्ष तसेच शांतता समितीचे सदस्य उपस्थित राहणार असून, उत्सव काळात कायदा आणि सुव्यवस्थेच्या दृष्टीने आवश्यक त्या सूचनांवर चर्चा होणार आहे..गणेशोत्सव काळात कायदा सुव्यवस्था बिघडू नये, यासाठी तब्बल ९४ गुन्हेगारांवर तडीपारीची कारवाई करण्यात आलेली आहे. आगामी सण उत्सवांच्या पार्श्वभूमीवर नाशिक पोलीस प्रशासनाची प्रतिबंधात्मक कारवाई केली असून पोलीस प्रशासनाकडून सराईत गुन्हेगारांवर प्रतिबंधात्मक कारवाईला सुरुवात करण्यात आलीय..गोरेगाव (प) वार्ड क्र. 57 येथे गटाराचे पाणी रस्त्यावरून आणि गल्ल्यांमधून ओसंडून वाहतेय! हनुमान गल्ली क्रमांक 15 मधील रहिवाशांचा श्वासच घोटणाऱ्या दुर्गंधीने आणि गटारातील किड्यांनी हा परिसर अक्षरशः रोगट बनवला आहे. महापालिकेच्या बेफिकीर कारभारामुळे नाले व गटारांची साफसफाई थांबली आहे. परिणामी मलेरिया, डेंग्यू, टायफॉइडसारख्या साथींचा धोका दररोज वाढत आहे. लहान मुले, ज्येष्ठ नागरिक आणि महिला या अस्वच्छतेच्या विळख्यात आहेत. .आरे कॉलनीत पती-पत्नीच्या नात्याला काळीमा फासणारी व थरारक घटना उघडकीस आली आहे. चित्रपटसृष्टीत मेकअप आर्टिस्ट म्हणून कार्यरत असलेल्या भरत अहिरे (४०) याचा त्याच्याच पत्नीने प्रियकर व त्याच्या भावाच्या मदतीने खून केला. मृत व्यक्तीच्या बारा वर्षीय मुलीच्या साक्षीने मृत्यूचा थरारक कट उघड करण्यास आरे पोलिसांना यश मिळाले आहे. आरे पोलिसांनी मृताची पत्नी राजश्री व आरोपी रंगा यांना अटक केली असून, प्रियकर चंद्रशेखर फरार आहे..कारमधून पुण्याहून सोलापूरकडे मेफेड्रीन घेऊन येत असल्याची माहिती सोलापूर ग्रामीण पोलिसांना मिळाली.या माहितीवरून पोलिसांनी बुधवार,६ ऑगस्ट रोजी सापळा रचून संशयित कारला अडवून चार आरोपींना ताब्यात घेतले.त्यांच्या गाडीमध्ये १८ ग्रॅम मेफेड्रोन मिळाले.या प्रकरणी पोलिसांनी आठ जणांना गुरुवार,७ ऑगस्ट रोजी अटक केली होती.त्यांना पाच दिवसांच्या पोलिस कोठडीनंतर सोमवारी न्यायालयीन कोठडीत रवानगी करण्यात आली..पुणे - पुण्यात सावरकर चौक परिसरात रात्री एका महिलेने कॅनलमध्ये उडी मारली. सुदैवाने महिलेला वाचवण्यात यश आलं. तत्काळ बचाव करून तिला पाण्यातून सुस्थितीत बाहेर काढण्यात आले. या महिलेने पाण्यात उडी का मारली त्याच कारण मात्र कळू शकले नाही..छत्रपती संभाजीनगर शहरातील ड्रग्ज तस्करी प्रकरणातील कुख्यात गुन्हेगार फैजल उर्फ तेजा एजाज सय्यद ( रा. किलेअर्क) याने मैत्रिणीवर गोळीबार केला. तिच्या हातात गोळी घुसली आहे. तिच्यावर घाटी रुग्णालयात उपचार सुरू आहेत. ही धक्कादायक घटना सोमवारी रात्री १२ वाजता किलेअर्क भागात घडली. बेगमपुरा पोलिसांनी तात्काळ घटनास्थळी दाखल होत आरोपी तेजाला ताब्यात घेतले. आरोपी तेजा हा आठ ते दहा दिवसांपूर्वी जेलमधून जामिनावर बाहेर आला आहे. .अंगारकी चतुर्थी निमित्त पुणे शहरातील मध्यवर्ती भागातील वाहतुकीत बदल करण्यात आलाय. पुण्यातील आप्पा बळवंत चौकाकडून बुधवार चौकापर्यंत जाणारा रस्ता बंद केला आहे. पुण्यातील श्रीमंत दगडूशेठ गणपतीला दर्शनासाठी होणारी गर्दी पाहता पोलिसांनी निर्णय घेतला आहे. आज बाजीराव रोड,शिवाजी रोड वाहतुकीसाठी बंद राहणार आहे. वाहतुकीसाठी पुरम चौकातून शिवाजीनगर कडे जाणाऱ्या वाहनचालकांनी जे एम रोड मार्गे पुढे जावं शिवाजी रोड वरून स्वारगेटकडे जाणाऱ्या वाहनचालकांनी टिळक रोड मार्गाचा वापर करावा असं आवाहन करण्यात आलंय. आप्पा बळवंत चौकाकडून बुधवार चौकाकडे जाणारा रस्ता बंद करण्यात आलाय.. रत्नागिरी - अंगारकी चतुर्थी निमित्त गणपतीपुळेत भाविकांची गर्दी झालीय. पहाटे 3.30 वाजल्यापासून श्रींचं दर्शन सुरू करण्यात आलंय. या वर्षातील एकमेव अंगारकी चतुर्थीचा योग श्रावण महीन्यात आला आहे. या पार्श्वभूमीवर दर्शनासाठी मंदिर प्रशासनाकडून चोख व्यवस्था करण्यात आलीय. नारळबागेत 37 दर्शन रांगा, पार्किंग परिसरात 9 रांगा आणि मंदिर व रेस्ट हाऊसच्या मधल्या भागात 3 रांगा अशा पद्धतीने भाविकांना दर्शनासाठी व्यवस्था केलीय. रात्री 10.30 पर्यंत भाविकांना दर्शन घेता येणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates Live: ''खालिद का शिवाजी' चित्रपटावर बंदीसाठी शिवप्रेमी संघटना आज मुख्यमंत्र्यांना भेटणार

Mumbai Live : 'खालिद का शिवाजी' चित्रपटावर बंदीसाठी शिवप्रेमी संघटना आज मुख्यमंत्र्यांना भेटणार

Related Stories